اسلام آباد۔ 14 جولائی (اے پی پی) وزیراعظم محمد شہباز شریف اینو (جمعہ نادے آ ) اسلام آباد اٹی نیشنل یونیورسٹی آف ٹیکنالوجی نا مرکزی کیمپس و چشمہ۔ 5 نیوکلیئر پاور پلانٹ نا بنداو ءِ تخک۔ وزیراعظم آفس نا میڈیا ونگ آن جاری بیان نا رداٹ دا کیمپس تفنگ آن پد پاکستان اٹی ٹیکنکیل و صنعتی تعلیم نا مون آ دننگ اٹ اہم ءُ کڑد اس ادا کیک۔ داوخت آ نیوٹیک یونیورسٹی نا رداٹ پوسکن آ علم اٹی 7 گریجویٹ پروگرام کرفنگ انگ ءِ۔ برجاسال یونیورسٹی پین گریجویٹ و ماسٹرز پروگرام تا بناءِ کیک۔ وزیراعظم اینو یوتھ سکل ڈویلپمنٹ پروگرام نا ہم بناءِ کیک۔ پروگرام نا رداٹ پاکستان نا ورناتے جہانی کہول آ افرادی قوت تون مقابلہ کن تیار کننگک۔ دامسخت کن اوفتے صنعت آتا طلب نا رداٹ پوسکن ءُ کسب ہیل تننگک۔ این اے وی ٹی ٹی سی تینا ہندی و جہانی شریدار آتا کمک اٹ 2023آن 2027 اسکان 19.33 ارب روپئی نا خڑچ آن 2 لکھ 84 ہزار آن زیات ورناتے پوسکن آ مسابقتی کسب اٹ کسبی تربیت فراوان کیک۔ داپروگرام ورناتے نئے بیرہ ہندی بلکن جہانی کہول آ روزگار نا دوئی کننگ اٹ کمکار جوڑ مریک۔ وزیراعظم داوخت آ دود آن تران ہم کیک۔ وزیراعظم محمد شہباز شریف اینو چشمہ۔ 5 نیوکلیئر پاور پلانٹ نا بنداو ءِ تخک۔ وزیراعظم محمد شہباز شریف نا خصوصی است خواہی و کوشت آتیٹی چشمہ نیوکلیئر پاور پلانٹ یونٹ۔ 5 نا نئے بیرہ خڑچ اٹی کمتی کننگا بلکن اونا کچ ءِ 1100 میگاواٹ آن ودفسا 1200 میگاواٹ کننگانے۔ چشمہ۔ 5 ہرانا معاہدہ غا 2017 ٹی دستخط مس۔ تدوک آ 5 سال پدسلنگ نا گواچی ئسک۔ وزیراعظم محمد شہباز شریف نا ملک اٹی کم خڑچ و چاگڑد دوست بجلی نا وژن نا رداٹ دا ڈٹ آ کاریم نا دُوارہ بناءِ کننگ انگ ءِ ۔ وزیراعظم دا وخت آ دود آن تراہم ہم کیک۔
