وزیراعظم شہباز شریف چشمہ ۔ 5 نیوکلیئر پاور پلانٹ نا بنداو ءِ تخنگ کن میانوالی آ روانہ

اسلام آباد۔ 14 جولائی (اے پی پی) وزیراعظم محمد شہباز شریف چشمہ۔ 5 نیوکلیئر پاور پلانٹ نا بنداو ءِ تخنگ کن میانوالی آ روانہ مس۔ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف نا خصوصی است خواہی و کوشست آتیٹی چشمہ نیوکلیئر پاور پلانٹ یونٹ۔ 5 نا نئے بیرہ خڑچ اٹی کمتی کننگا بلکن اونا کچ ءِ 1100میگاواٹ آن ودفسا 1200 میگاواٹ کننگانے۔ چشمہ۔ 5 ہرانا معاہدہ غا 2017ٹی دستخط مس، تدوک آ 5 سال التوانا گواچی ئس۔ وزیراعظم محمد شہباز شریف ناملک اٹی کم خڑچ و چاگڑد دوست بجلی نا وژن نا رداٹ دا ڈٹ آ کاریم نا دُوارہ بناءِ کننگ انگ ءِ۔ وزیراعظم دا وخت آ دود آن تران ہم کیک۔