وزیراعظم شہباز شریف چشمہ۔ 5 نیوکلیئر پاور پلانٹ نا بنداو ءِ تخا

میانوالی۔ 14 جولائی (اے پی پی) وزیراعظم محمد شہباز شریف جمعہ نادے آ چشمہ۔ 5 نیوکلیئر پاور پلانٹ نا بنداو ءِ تخا۔ داوخت آ بنجائی وزیر انجینئر خرم دستگیر، احسن اقبال آن بیدس چینی کمامدارآک ہم ساڑی ئسر۔ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف نا خصوصی است خواہی و کوشست آتیٹی چشمہ نیوکلیئر پاور پلانٹ یونٹ۔ 5 نا نئے بیرہ خڑچ اٹی کمتی کننگا بلکن اونا کچ ءِ 1100 میگاواٹ آن ودفسا 1200 میگاواٹ کننگانے۔ چشمہ۔ 5 ہرانا معاہدہ غا 2017ٹی دستخط مس، تدوک آ 5سال التوانا گواچی ئس۔ وزیراعظم محمد شہبازشریف نا ملک اٹی کم خڑچ و چاگڑد دوست بجلی نا وژن نا رداٹ  داڈٹ آ کاریم نا دُوارہ بناءِ کننگ انگ ءِ۔