صدر مملکت ڈاکٹر عارف علوی تون ڈاکٹر نصر شاہد نا کماشی ٹی سمندر پار پاکستانی تا ڈل انا اوڑدہی، چندی امور تیا گپ وتران

اسلام آباد۔ 14 جولائی (اے پی پی) صدر مملکت ڈاکٹر عارف علوی سمندر پار پاکستانی تیا زور شاغانے کہ او تینا مہماندار ملک آتیٹی پاکستان نا گچین تشخص ءِ تالان کننگ کن کاریم کیر۔ ایوان صدر نا پریس ونگ آن جمعہ نادے آ جاری بیان نا رداٹ صدر مملکت داخیال آتا درشانی ءِ داڑےڈاکٹر نصرشاہد نا کماشی ٹی سمندر پار پاکستانی تا ڈل اتون گپ وتران کرسا کرے۔ ڈل اوڑدہی ٹی صدر مملکت تون چنندی امور تیا گپ وتران کرے۔ صدر مملکت پارے کہ سمندر پا پاکستانی تا ملک انا راجی و اقتصادی شونداری ٹی اہم کڑد اسے۔ سمندر پار پاکستانی لائخ مخلوق و پاکستان کن گمرنا سوب ءُ۔ صدر مملکت پارے کہ سمندر پار پاکستانی وطن آن مر رہینگسا زرمبادلہ نا دروشم اٹ ملکی زرگزران اٹ اہم کڑد ادا کننگ ءُ۔ صدر مملکت پارے کہ سمندر پار پاکستانی تینا میزبان ملک آتیٹی پاکستان نا گچین تشخص ءِ تالان کننگ کن کاریم کیر ، پاکستان ءِ داوخت آ زرگزرانی چیلنج مون تروک ءِ، داڑکن غٹ ءِ متحد مرسا کاریم کننگ نا گرج ءِ۔ اوپارے کہ سمندر پار پاکستانی تینا میزبان ملک آتا شونداری ٹی ہم اہم کڑد ادا کننگ ءُ۔ صدر مملکت پارے کہ سمندر پار پاکستانی پاکستان نا شونداری کن کاریم کیر۔