این ڈی ایم اے نا گمانی پِر ، نشیبی و مشی آ علاقہ غاتیٹی لینڈ سلائیڈ و نوکاپ نا گمان نا رداٹ تعلقدار ادارہ غاتے الرٹ مننگ نا پارت

اسلام آباد۔ 14 جولائی (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) ملک انا چندی شار تیٹی بروک آ منہ دے اٹی گمانی پِر و اوفتا نتیجہ ٹی نشیبی و  مشی آ علاقہ غاتیٹی لینڈ سلائیڈ و نوکاپ نا گمان تا رداٹ تعلقدار ادارہ غاتے الرٹ مننگ نا پارت جاری کرینے۔ چیف آف اسٹاف این ڈی ایم اے نا کماشی ٹی بشام نا پِرتا پوسکن آ چرجوئی و اوفتا گمانی نا بابت این ای او سی نا خصوصی دیوان اس  مس۔ دیوان اٹی این ای او سی، پی ایم ڈی، ایف ایف ڈی و پی ڈی ایم اے پنجاب آخبت پِر و نوکاپ نا گمان و ساڑی آ ریسکیو و کشنگ نا حالیت آتیا حوال تس۔ محکمہ موسمیات نا رداٹ ملک انا چندی شار تیٹی بروک آ منہ دے اٹی مروک آ پِر تا گمانی اثر آتیٹی نشیبی و مشی آ علاقہ غاتیٹی لینڈ سلائیڈ ونوکاپ نا گمان مننگ کیک۔ چیف آف سٹاف ساڑی و بروک آ پِر آن ودی مروک آ گمانی حالیت آتا رداٹ تعلقدار ادارہ غاتے الرٹ مننگ نا پارت کرے۔