پاکستان پیپلزپارٹی نا صوبائی صدر میر چنگیز خان جمالی و صوبائی ایگزیکٹیو کمیٹی نا باسک سید حسنین ہاشمی آ تالان ڈل بلوچستان عوامی پارٹی نا راہشون عتیق خان کاکڑ تون اوڑدہی کرے

کوئٹہ۔ 14 جولائی (اے پی پی) پاکستان پیپلزپارٹی نا صوبائی صدر میر چنگیز خان جمالی و صوبائی ایگزیکٹیو کمیٹی نا باسک سید حسنین ہاشمی آ تالان ڈل بلوچستان عوامی پارٹی نا راہشون عتیق خان کاکڑ تون اوڑدہی کرے۔ داوخت آ سیاسی راہشون وحید خان کاکڑ ہم ساڑی ئسک۔ اوڑدہی ٹی صوبائی صدر میر چنگیز خان جمالی صدر پاکستان پیپلزپارٹی پارلیمنٹرینز آصف علی زرداری و پی پی پی چیئرمین بلاول بھٹو زرداری نا کنڈآن عتیق خان کاکڑ ءِ پیپلزپارٹی ٹی شمولیت ناسلہ خلک  عتیق خان کاکڑ سلہ ءِ قبول کرسا پاکستان پیپلزپارٹی ٹی شمولیت نا پڑو ءِ کرے۔ عتیق خان کاکڑ پارے کہ او زوت تینا سنگت آتون اوار اسہ بھلو شمولیتی پروگرام اسے ٹی پیپلزپارٹی ٹی باقاعدہ شمولیت اختیار کیک۔ داوخت آ پیپلزپارٹی نا صوبائی صدر میر چنگیز جمالی و حسین ہاشمی عتیق خان کاکڑ ءِ پاکستان پیپلزپارٹی ٹی شمولیت آ مبارکبادی تسر و بخیر اٹ پاریر ۔ میر چنگیز خان جمالی و سید حسین ہاشمی پارے کہ پاکستان پیپلزپارٹی بلوچستان اٹ اسہ بھلو سیاسی و جمہوری پارٹی اس جوڑ مرسا مون آ بسنے ہرانا پیدوار شاہدی صوبہ ٹی مروک آ بلدیاتی گچین کاریک ءُ ۔ اوپار ے کہ بلوچستان آن اہم سیاسی و قبائلی شخصیت پارٹی نا مرکزی و صوبائی سرکڑدہ غاتون رابطہ ٹی ءُ و زوت او پاکستان پیپلزپارٹی ٹی باقاعدہ شمولیت نا پڑو ءِ کیرہ۔ اوپارےکہ پاکستان پیپلزپارٹی بروک آ لس گچین کاری تیٹی پبی بشخ ہلسا پبی سرسہبی دوئی کیک پارٹی نا کارندہ غاک لس گچین کاری تا تیاری تے داسی آن شروع کیر و ووٹر لسٹ آتیٹی تینا پن تا درج کننگ ءِ پک کیر، تانکہ لس گچین کاری تیٹی او وونٹ انا کمک اٹ تینا نمائندہ غاتے گچین کننگ کیر۔