بے گناہ سیکورٹی کارندہ و شاری تے دہشت گردی نا شست کروک آ دہشت گرد آک انسان پاننگ نا ہم حقدار افس،  بلوچستان عوامی پارٹی نا مرکزی راہشون و مسکوہی صوبائی وزیر ثوبیہ کرن کبزئی

کوئٹہ۔ 14 جولائی (اے پی پی) بلوچستان عوامی پارٹی نا مرکزی راہشون و مسکوہی صوبائی وزیر ثوبیہ کرن کبزئی ژوب گیریژن اٹی دہشت گرد آتا جلہو اٹی سیکورٹی فورس آتا 9 کارندہ غاتا شہید ی آ است ہسونی نا درشانی ءِ کرسا پارینے کہ بے گناہ سیکورٹی کارندہ و شاری تے دہشت گردی نا شست کروک آ دہشت گرد آک انسان پاننگ نا ہم حقدار افس۔ داڑے جاری مروک اسہ بیان اسے ٹی ثوبیہ کرن کبزئی پارے کہ ژوب گیریژن اٹی دہشت گرد آک تینا درملکی آقاتے خوش کننگ کن جلہو کریر ہراسیکورٹی فورس انا کارندہ غاک تینا جون تا پرواہ ءِ کپرسا بے سہب کریر دہشت گرد آتون جنگ ترسا 9 سیکورٹی کارندہ شہیدی نا جام ءِ نوش کریر  ملک انا دفاع و جان ومال انا رکھ اکن تینا جون تا قربانی ءِ تروک آ کارندہ غاک ننا قومی ہیروک ءُ ہرافتا قربانی انشاء اللہ زیان مفک۔ اوجلہو کروک آ دہشت گرد آتے خلنگ آ سیکورٹی کارندہ غاتے خراج تحسین پیش کرے۔ اوالس نا جان و مال انا رکھ اکن تینا جون تے ند ر کروک آکارندہ غاتے خراج عقیدت پیش کرسا اوفتا خاہوت تون ہڑزخواہی و شہید آتا درجہ غاتا بڑزی کن دعا کرے۔