وزیراعظم شہباز شریف ملتان آ روانہ مس

اسلام آباد۔ 13 جولائی (اے پی پی) وزیراعظم محمد شہباز شریف تینا دورہ ءِ ملتان کن اسلام آباد آن روانہ مسنے۔ وزیراعظم آفس نا میڈیا ونگ آن جاری بیان نا رداٹ وزیراعظم ملتان اٹی درمان نا جہانی آسراتی تیان شپ زیر تعمیر نشتر۔IIہسپتال نا دورہ ءِ کیک و برجا تعمیراتی کاریم تا جاچ ءِ ہلیک۔ 500 کٹ آتیا تالان دا ہسپتال آن سویلی پنجاب نا مرمر انگا علاقہ غاتا مخلوق فائدہ ہرفرہ۔ وزیراعظم داوخت آ گپ وتران ہم کیک۔ وزیراعظم ملتان اٹی سویلی پنجاب آن تعلق تخوک آ لائخ آ ورناتیٹی وزیراعظم یوتھ لون اسکیم نا رداٹ چیک بشخک۔وزیراعظم یوتھ لون اسکیم نا رداٹ داتم اسکان اسہ لکھ دہ ہزار آن زیات لائخ ورناتے 101.6ارب روپئی ناآسان و کم سود والا وام تننگانے ہرااوفتے تینا کشاری و ایلوکاروبار تون واکدار، وتواجہ و ایلوورناتیکن روزگار ودی کننگ نا قابل جوڑ کننگ ءِ۔ وزیراعظم ملتان اٹی لائخ و قابل طالب علم آتیٹی وزیراعظم لیپ ٹاپ اسکیم نا رداٹ  لیپ ٹاپ ہم بشخک۔ وزیراعظم داوخت آ تران ہم کیک۔