اقوام متحدہ نا قرارداد آتا رداٹ کشمیر نا ویل انا ایسری ڈیہہ ٹی پائیدار امن کن المی ءِ، اسپیکر و ڈپٹی اسپیکر قومی اسمبلی نا یوم شہدائے کشمیر نا وخت آ کلہو

اسلام آباد۔ 13 جولائی (اے پی پی) اسپیکر قومی اسمبلی راجہ پرویز اشرف  وڈپٹی اسپیکر زاہد اکرم درانی ئسک پارینو کہ اقوام متحدہ نا قرارداد آتا رداٹ کشمیر ناویل انا ایسری ڈیہہ ٹی پائیدار امن کن المی ءِ، 13 جولائی 1931 نا دے ءِ تاریخ اٹی  مدام تہاردے انا وڑاٹ یات تخنگک۔ پنچ شنبے نادے آ یوم شہدائے کشمیر نا وخت آ تینا کلہو اٹی اسپیکر قومی اسمبلی پارے کہ 13 جولائی 1931 آ ڈوگرہ مہاراجہ نا فوج 22 مچی کروک آتے آذان تننگ نا پاداش اٹ شہیدکرے، 13 جولائی 1931 نا شہید آتا خون زیان مفک۔ اوفک پاریر کہ مقبوضہ کشمیر اٹی تدوک آ 7 دہائی آن ہزار آ لمہ غاتا جغر نا ٹکر آتے شہید کننگانے، مقبوضہ کشمیر اٹی زالبول آتا بے شرفی و عصمت دری نا ہزار آ واقعہ رونما مسنے۔ اسپیکر قومی اسمبلی پارے کہ بھارت نا پن انا جمہوری حکومت نا دُوک ہزار آکشمیری شہید آتا دتر اٹ رنگی ءُ، پاکستان کشمیری الس نا حق خودارادیت نا جہدنا ہر فورم آ اخلاقی ،سیاسی و سفارتی مخ تفی ءِ برجاتخک۔