پاکستان نا آئین و کمپیوٹرکوڈنگ ءِ قومی نصاب اٹ اوار کرسا نن بروک آ چین تیکن تینا حق و زمواری تے جوان وڑاٹ ہُننگ نا بنداو ءِ تخانن، وزیراعظم نا ٹویٹ

اسلام آباد۔ 13 جولائی (اے پی پی) وزیراعظم محمد شہباز شریف پارینے کہ نصاب ہر تعلیمی انفراسٹرکچر اٹی تمبہ نا حیثیت تخک۔ پنچ شنبے نادے آ تینا ٹویٹ اٹی اوپارے کہ پاکستان نا آئین و کمپیوٹر کوڈنگ ءِ تینا قومی نصاب اٹ اوار کرسا نن تینا بروک آ چین تیکن تینا حق و زمواری تے جوان وڑاٹ ہُننگ نا بنداو ءِ تخانن۔ اوپارے کہ ننا تصور دادے کہ ہراتم ننا چناک دا ملک انا بھاگ دوڑ ءِ سنبھالرہ تو او آئین تون اوار اوار انفارمیشن ٹیکنالوجی نا علم آن ہم جوانی اٹ بلد مریرہ۔ وزیراعظم شہباز شریف پارے کہ سلمان صوفی نا کماشی ٹی سٹریٹجک ریفارمز یونٹ وزارت تعلیم تون اواری اٹ دا اصلاحات نا کماشی ءِ کرینے، تانکہ داہیت ءِ پک کننگ مرے کہ نن تینا حکومت نا مد انا چنکو وخت اسے ٹی بامعنی تعلیمی اصلاحات آتیا عملدرآمد ءِ پک کننگ کرین۔