آذربائیجان نا وزیر ڈیجیٹل ڈویلپمنٹ و ٹرانسپورٹ 17 آن 19 جولائی اسکان پاکستان نا دورہ ءِ کیک، ترجمان دفترخارجہ

اسلام آباد۔ 13 جولائی (اے پی پی) آذربائیجان نا وزیر ڈیجیٹیل ڈویلپمنٹ و ٹرانسپورٹ رشاد نبیوف 17 آن 19 جولائی اسکان پاکستان نا دورہ ءِ کیک۔ داہیت ءِ دفترخارجہ نا ترجمان ممتاز زہرا بلوچ پنچ شنبے  نادے آ داڑے پریس حوال اٹی پارے۔ اوپارے کہ دادورہ وزیراعظم نا ساڑی آ دورہ ءِ باکو آن پد مننگ ءِ۔ آذربائیجان نا وزیر رشاد نبیوف انفارمیشن ٹیکنالوجی، ہوابازی، مواصلات ، ریلویز و سمندری امورنا وزارت آتا پاکستانی ہم منصب آتون اوڑدہی کیک و کنیکٹیویٹی و انفارمیشن ٹیکنالوجی نا بشخ آتیٹی  ہڑتوم آ کنڈآتا کمکاری ناجاچ ءِ ہلیک۔