این ڈی ایم اے نا چیئرمین نا بشام نا پِرتا ساڑی آحالیت آتا رداٹ تعلقدار ادارہ غاتے الرٹ مننگ، آبی کوڑی تا چاروکی و گمانی خطرہ نامون اٹ بروک آ آبادی تا وخت آ رکھ ہند آتیا گدریفنگ نا پارت

اسلام آباد۔ 13 جولائی (اے پی پی) نیشنل ڈیزاسٹر مینجمنٹ اتھارٹی نا چیئرمین لیفٹیننٹ جنرل انعام  حیدر ملک ، ملک اٹی بشام نا پِر تا ساڑی آ حالیت آتا رداٹ تعلقدار ادارہ غاتے الرٹ مننگ و آبی کوڑی تا پدریسہ چاروکی و گمانی خطرہ نا مون اٹ بروک آ آبادی تے وخت آ رکھ ہند آتیا گدریفنگ نا پارت کرینے۔ ملک اٹ بشام نا پِر و گمانی نوکاپ نا گمان تا بابت نیشنل ایمرجنسی آپریشن سینٹر ناخصوصی دیوان چیئرمین این ڈی ایم اے نا کماشی ٹی مس۔  دیوان اٹی ڈی جی پی ایم ڈی، فلڈ فورکاسٹنگ ڈویژن، پاکستان کمیشن انڈس واٹر، سپارکو، پی ڈی ایم اے پنجاب پِر و نوکاپ نا گمان تیا وخت اس کہ ریسکیو1122 ریلیف آپریشن و ایمرجنسی  گڑا بشمول 83 کشتی تا وصولی آ حوال تسر۔ دیوان اٹی پاننگاکہ بروک آ منہ دے اٹی مروک آ پِر تیان نوکاپ نا گڑتی اف۔ چیئرمین این ڈی ایم اے ساڑی حالیت آتا رداٹ تعلقدار ادارہ غاتے الرٹ مننگ و آبی کوڑی تا پدریسہ چاروکی و گمانی خطرہ نا مون اٹ بروک آ آبادی تا وخت آ رکھ ہند آتیا گدریفنگ نا پارت کرے۔