بشام نا پوسکن آ چرجوئی بناکننگ ءِ ہراناسوب آن اسلام آباد، پنجاب، سندھ ، بلوچستان، خیبرپختونخوا ،گلگت بلتستان و کشمیر نا چندی علاقہ غاتیٹی ہورہ و گروک اٹ پِر انا گمان ءِ، بنجائی وزیر شیری رحمان نا ٹویٹ

اسلام آباد۔ 13 جولائی (اے پی پی) بنجائی وزیر موسمیاتی بدلی و چاگڑدی رابطہ سینیٹر شیری رحمان پارینے کہ بشام نا پوسکن آ چرجوئی بناکننگ ءِ ہرانا سوب آں اسلام آباد، پنجاب، سندھ، بلوچستان، خیبر پختون، گلگت بلتستان و کشمیر نا چندی علاقہ غاتیٹی ہورہ و گروک اٹ پِر انا گمان ءِ۔ بشام نا دا پوسکن آ چرجوئی 17 جولائی اسکان برجاسلنگ نا گمان ءِ۔ داوخت آ غٹ تعلقدار ادارہ غاتے الرٹ مننگ نا پارت ہم جاری کننگانے۔ پنچ  شنبے نادے آ تینا اسہ ٹویٹ اسے ٹی اوپارے کہ 13 آن 17 جولائی ٹی اسلام آباد، راولپنڈی، پشاور، گوجرانوالہ و لاہور اٹی شنزہ ئی آ پِر انا سوب آن  نشیبی علاقہ غاتا زیر آب بننگ نا گڑتی ءِ وخت اس کہ مری،گلیات، کشمیر، گلگت بلتستان وخیبرپختونخوا نا مشی آ علاقہ غاتیٹی لینڈ سلائیڈنگ نا خطرہ ہم ساڑی ءِ۔ دا علاقہ غاتیٹی  سیل و سواتی تے پِر تیٹی ہروڑنا ناخوشگوار حالیت آتیان بچنگ کن محتاط مننگ نا درخواست کننگک۔