پاکستان   یونائیٹڈ  نیشن   ءِ    بنی آدمی ھک  ءِ کونسل   ءِ منوگری     آنی   منظوری   آناں وش   اتک کنت،   مزن وزیر  شہباز شریف 

اسلام آباد۔12جولائی  (اے پی پی): مزن  وزیر  محمد  شہباز شریف   ءَ گوشتگ  کہ  پاکستان  یونائیٹڈ  نیشن  ءِ     بنی آدمی ھک  ءِ  کونسل  ءِ  ” کسد ءُ کینگ،   دژمنی  یا   لٹ ءُ  کُٹ  ءِ واستہ  ٹوک  دیگ    وڑیں  نیک  راھی   بن گپ  آنی    ھوالگ ءَ   بن  گپ   آنی  منظوری   ءَ را  وش  اتک  کنت۔  چار شمبے ءَ وتی ٹویٹ ءَ آئی   ءَ گوشت کہ  ما یونائیٹڈ  نیشن  ءِ  بنی آدمی ھک   کونسل  ءِ توامیں   ممبر  ملک   آنی شگر ءُ منت وار  آں   کہ آئی  ءَ او آئی  سی ءِ  نیمگ ءَ  پاکستان  ءِ  نیمگ ءَ چہ    پیش  کتگیں  بن  گپ آنا من اتگ۔   آئی  ءَ گوشت کہ سویڈن  ءَ قرآن  پاک  ءَ را  سرے  بازار  بے شرپ  کنگ  ءِ واکیہ   ءَ را   اچ  رنگ ءَ سگ ءُ اوپار  کنگ    نہ  بیت،  توامیں نیک  راھی  چیدگ ،  شرپ  مندیں مردم    ءُ  آزمانی  کتاب   توامیں    ستک ءُ  یکیم   آنی  منوک  آنی  واستہ  ھمکچ    ءَ   شرپ  مند انت۔   مزن وزیر  ءَ گوشت کہ     آزاتی ءَ گوں  وتی لیکہ   ءِ  درشان ءِ نام ءَ قرآن  پاک  ءَ را   بن  دیوکیں مردم آناں   سرے  بازار  سہرا   کنگ  بہ بیت۔  مزن وزیر  ءَ گوشت کہ  نیک راھی  یکوئی،  شرپ  ءُ توامیں   ستک ءُ یکیم  آنی شرپ    یکجائی   ازت  ءُ   رکھینگ ءِ جزم   ءِ   سر ءَ  تپاکی ءَ گوں  بنی  آدم    ءِ گہتریں    ازمت   کنگ بیت  انت۔