بنجائی وزیر واپار سید نوید قمر نا 6 می پاکستان فارماسمٹ و فارماایکسپورٹ سمٹ اینڈ ایوارڈز 2023 نا بنائی دود آن تران

اسلام آباد۔ 12 جولائی (اے پی پی) بنجائی وزیر واپار سید نوید قمر پارینے کہ الس ءِ اڑزان دوائی ملنگ المی ءِ، دا صنعت نا ویل آتے بِننہ و اوفتے ایسر کینہ، اواری اٹ کاریم کننگ آن پاکستان تینے جہانی فارماسیوٹیکل مارکیٹ اٹ اسہ سرکڑدہ گوازی گراسے نا وڑاٹ سلفنگ کیک ، دا بشخ اٹی خودانحصاری نا است بڈی آن نئے بیرہ صنعت نا شونداری ٹی کمک رسینگک بلکن برآمد آتیا تالان شونداری نا وارخواہی ہم ودی مریک۔ داخیال آتا درشانی ءِ او 6 می پاکستان فارماسمٹ و فارما ایکسپورٹ سمٹ اینڈ ایوارڈز 2023 نا بنائی دود آن اہم تران اٹی کرے۔ اوپارے کہ پاکستان نا مسخت 2025 اسکان دواسازی نا برآمد آتے اسہ ارب ڈالر وخت اس کہ 2030 اسکان پنچ ارب الر اسکان ودفنگ ءِ۔ داوخت آ بنجائی وزیر واپار پاکستان نا دواسازی نا برآمد آتیٹی نمان ودکی کننگ نا حکومتی ڈٹ آتا خاکہ اس پیش کرے۔ بنجائی وزیر پی  پی ایم اےنا چیئرمین سید فاروق بخاری و ڈاکٹر شیخ  محمد نا منت واری ءِ ہرفے۔ او1.4 ٹریلین ڈالر نا جہانی فارماسیوٹیکل مارکیٹ ٹ شونداری نا بے پناہ گمان تے تالان کرسا پارے کہ پاکستان ءِ داموقع غان فائدہ ہرفنگ نا گرج ءِ۔ اواہم بشخ آتا پیدواری ءِ کرے ہرافتیا دواسازی نا برآمد آتے ودفنگ آ چکار کننگ نا گرج ءِ وخت اس کہ درآمد آتیا سیبو ءِ کم کننگ کن ایکٹو فارماسیوٹیکل اجزا(APIs)نا ہندی تیاری نا اہمیت آ ہم زور شاغا۔