بنجائی وزیر حوالکاری مریم اورنگزیب پی ٹی وی پشاور سینٹر نا علاقائی نشریات آتے 24 گھنٹہ برجاتخنگ نا  پڑو کرے

اسلام آباد۔ 12 جولائی (اے پی پی) بنجائی وزیر حوالکاری و شینکاری مریم اورنگزیب پی ٹی وی پشاور سینٹر نا علاقائی نشریات آتے ہفتہ نا 7 دے 24 گھنٹہ برجاتخنگ نا پڑو کرسا پارینے کہ پی ٹی وی پشاور سینٹر نا علاقائی نشریات خیبرپختونخوانا غٹ علاقائی زبان تیٹی دستیاب ءُ، دا نشریات آک سمندرپار پاکستانی تیکن سٹیلائٹ نا کمک اٹ رسینگ نا قابل ءُ۔ چارشنبے نادے آ تینا ٹویٹ اٹی بنجائی وزیر حوالکاری پارے کہ دا گام پی ٹی وی نیشنل نا جوڑ مننگ آن پد خیبرپختونخوانا الس نا متکن آ خواست انا پوروی ءِ۔ دا نشریات آن ہندی ویل آتا ایسری و خیبرپختونخوانا متحرک دودوربیدگ و میرات ءِ مون آ دننگ کن معلومداری، تعلیم و انفوٹینمنٹ کانٹینٹ کن اسہ پلیٹ فارم اس دستیاب مریک۔ داڑان ہندی میڈیا ایکو سسٹم نا  تیاری ٹی ہم کمک رسینگک ہرا ہندی کمیونٹی تا فائدہ غاتیکن گچین وڑاٹ خذمت سرایتک۔