وزیراعظم شہباز شریف نا کماشی ٹی پولیو نا چٹفنگ کن سنبرینگوک اُن، بنجائی سیکرٹری جان جوڑی افتخار شلوانی

اسلام آباد۔ 12 جولائی (اے پی پی) بنجائی سیکرٹری جان جوڑی افتخار شلوانی پارینے کہ وزیراعظم شہبازشریف نا کماشی ٹی پولیو نا چٹفنگ کن سنبرینگوک اُن، ننا نرزور فرنٹ لائن ورکرآک دے و نن خواری کننگ ءُ، پولیو نا چٹفنگ ننا اولیت ءِ۔ داخیال آتا درشانی ءِ او جنیوا ٹی پولیو انڈیپنڈنٹ مانیٹرنگ بورڈ انا 22 می دیوان اٹی تران اٹی پارے۔ وزارت جان جوڑی نا ترجمان نا رداٹ جنیوا ٹی پولیو انڈیپنڈنٹ مانیٹرنگ بورڈ انا 22می دیوان اٹی بنجائی سیکرٹری جان جوڑی تینا تران اٹی پارے کہ وزیر جان جوڑی عبدالقادر پٹیل نا کوشست آتیان پاکستان دین انا چٹفنگ نا خڑک ءِ۔ وزیراعظم شہباز شریف نا کماشی ٹی پولیو نا چٹفنگ کن سنبرینگوک اُن۔ اوپارے کہ ننا نرزور فرنٹ لائن ورکرآک دے و نن خواری کننگ ءُ۔ پولیو پروگرام نا کوشست آتیان برجاسال پولیو اسہ کیس اس رپورٹ مسنے۔ افتخار شلوانی پارے کہ پولیو نا پڑی تیان محروم سلوک آ چناتسکان رسینگ کن چندی حکمت عملی جوڑ کننگانے۔ پولیو دین انا چٹفنگ کن ہلہلہ ئی بنداو تیا گام گیج کننگ انگ ءِ۔ مون تروک چیلنج آتا چٹفنگ کن حکومت سرگرم ءِ۔ اوپارے کہ پولیو ناچٹفنگ ننا اولیت ءِ۔ دیوان اٹی پاکستان اوغانستان و افریقی ملک آتا نمائندہ غاک ہم بشخ ہلکر۔