اسلام آباد۔ 12 جولائی (اے پی پی) نیشنل ڈیزاسٹر مینجمنٹ اتھارٹی نا چیئرمین لیفٹیننٹ جنرل انعام حیدرملک بشام نا پِر و گمانی نوکاپ نا رداٹ تعلقدار ادارہ غاتے الرٹ مننگ و دریا، ندی نالہ غاتا پدریسہ چاروکی اتون اوار اوار منسلک آبادی تا وخت آ رکھ ہند آتیا گدریفنگ ءِ پک کننگ کن گام گیج کننگ نا پارت کرینے۔ او چارشنبے نادے آ ملک اٹی بشام نا پِر و گمانی …
چیئرمین این ڈی ایم اے نا گمانی نوکاپ نا رداٹ تعلقدار ادارہ غاتے الرٹ مننگ نا پارت
گیشتریں ھال
اسلام آباد۔ 12 جولائی (اے پی پی) نیشنل ڈیزاسٹر مینجمنٹ اتھارٹی نا چیئرمین لیفٹیننٹ جنرل انعام حیدرملک بشام نا پِر و گمانی نوکاپ نا رداٹ تعلقدار ادارہ غاتے الرٹ مننگ و دریا، ندی نالہ غاتا پدریسہ چاروکی اتون اوار اوار منسلک آبادی تا وخت آ رکھ ہند آتیا گدریفنگ ءِ پک کننگ کن گام گیج کننگ نا پارت کرینے۔ او چارشنبے نادے آ ملک اٹی بشام نا پِر و گمانی نوکاپ نا گمان تا بابت این ای او سی نا خصوصی دیوان نا کماشی ءِ کریکہ۔ دیوان اٹی چیئرمین فیڈرل فلڈ کمیشن، ڈی جی محکمہ موسمیات ، فلڈ فورکاسٹنگ ڈویژن، پاکستان کمشنر انڈس واٹر پنجاب پی ڈی ایم اے ساڑی حالیت و گام گیج آتیا حوال تسر۔ این ای او سی لائیو ڈیٹا و انٹرنیشنل ماڈل آتیا تالان بروک آ پِر و آبی کوڑی تا حالیت آتیا حوال تس۔ چیئرمین این ڈی ایم اے ساڑی حالیت آتا رداٹ تعلقدار ادارہ غاتے الرٹ مننگ و دریا، ندی نالہ غاتا پدریسہ چاروکی، منسلک آبادی نا وخت آ رکھ ہند آتیا گدریفنگ، محکمہ موسمیات و این ای او سی نا اسیجائی جاچ انا بنداو آ بروک آ ہفتہ کن ایڈوائزری جاری کننگ نا پارت کرے۔
