ملک انا برخلاف چم آتا توننگ وخت آ، ساف شفاف و انصاف اٹ گچین کاری تے اٹ ہی ممکن ءِ، بنجائی وزیر میاں جاوید لطیف نا پریس کانفرنس

اسلام آباد۔ 12 جولائی (اے پی پی) بنجائی وزیر میاں جاوید لطیف پارینے کہ کسفنگ نا دھڑکو و ملک انا برخلاف چم آتا توننگ وخت آ، ساف و شفاف و انصاف اٹ گچین کاری تے اٹ ہی ممکن ءِ، مسلم لیگ (ن) نا بروک آ لس گچین کاری تا بابت وژن بھاز پیدوار ءِ، ملک انا الس و ادارہ غاک داہیت آن امناءُ نوازشریف ہی ملک ءِ دا تنکی تیان نجات ترفنگ کیک، ملک انا آخبت وزیراعظم و بروک آ حکومت نا فیصلہ ءِ پاکستان نا الس کیک۔ چارشنبے نادے آ داڑے پریس کانفرنس آن تران کرسا اوپارے کہ 2014 ٹی دھڑکو، بلیک میلنگ و جلہو ءِ توننگ نا کوشست کننگاکہ تو 9 مئی نا واقعہ نا نوبت بتوکہ۔ کمکار ہم مرکزی ڈوہدار نا بریبر شریک ءِ۔ اینو اسرائیل اقوام متحدہ غا ہِننگ نا ہیت ءِ کننگ ءِ۔ ہراتم داوڑنا گوازی اس دا ملک آتیٹی مریک تو انت ایلو ریاست آک دا ڈوہدار تے بچفنگ نا کوشست کیرہ؟۔ دابنڈغ آ انڈیا و اسرائیل آن فارن فنڈنگ کننگا ہرا نا مسخت پاکستان ءِ نسخان تننگ ئسک۔ اوپارے کہ ہرا مسخت آتے ننا دشمن تینا فوج انا کمک اٹ دوئی کننگ کتو او دا بندغ آ نیمہ نہاد اٹ 9 مئی آ دوئی کرے۔ اوپارے کہ اینو گڑاس ادارہ رزاک اٹ تینے زور اٹ ظاہر کننگ ءُ حالانکہ اوفتیا زور اف ۔ پرویز الٰہی ءِ ہم ریلیف ملک۔ اوپارے کہ نواز شریف  تون  ناانصافی نا ازالہ ءِ کننگے و 2017 نا کڑد آتا برخلاف کارروائی کننگے۔