مزن وزیر  محمد شہباز شریف ءَ گوں انٹیلی جنس  بیورو  ءِ ڈائریکٹر  جنرل فواد اسد اللہ  خان ءِ گند ءُ نند  

اسلام آباد۔11جولائی  (اے پی پی): مزن وزیر محمد  شہباز شریف    ءَ گوشتگ  کہ  راجی سلامتی  ، وت  مستری   ءِ رکھینگ،   کرائم  آنی   گر ءُ دار     ءُ   ناشرکاری  ءِ گر ءُ دار  ءِ واستہ آئی  بی  ءِ کرد سک باز ارزشتی انت۔  ماتیں  وطن  ءِ رکھینگ  ءِ واستہ   وتی جان آنی قربان  کنوکیں شہید    آنی سر ءَ راج ءَ را  پھر  انت۔  مزن وزیر  کارگس  ءِ  میڈیا ونگ ءِ نیمگ ءَ جاڑی بوتگیں  بیان  ءِ رد ءَ اے  ھیالانی درشانی آئیءَ انٹیلی جنس بیورو  ءِ ڈائریکٹر  جنرل فوااد اسد  اللہ خان ءَ گوں    تران  کنان ءَ کت۔ آئی  ءَ    مزن وزیر ءَ را انٹیلی  جنس  بیورو  ءِ یک سالے  ءِ کار کرد  ی  رپوٹ  پیش کت۔   مزن وزیر  ءَ آئی  بی  ءِ یک سالے  ءِ کار  کرد ءِ ھوالگ ءَ دل   یکیمی  ءِ درشان  کت۔  مزن وزیر      ءَ آئی بی  ءِ اپسرگ   ءُ کارندہ آناں شاباشی  دات  ءُ آئی  بی  ءِ شہید   آناں  توسیپ ءُ ستا  پیش کت۔  مزن وزیر   ءَ گوشت کہ ادارگ  ءِ   کامیاتی ءِ سر ءَ پھر انت،  ماتیں وطن ءِ رکھینگ  ءُ سلامتی ءِ واستہ جام  شہادت نوش  کنوکیں شہید    آنی سر ءَ راج ءَ را  پھر انت۔  فود اسد  اللہ   خان ءَ  مزن وزیر  ءَ را آئی    بی  ءِ سر ءَ دل  یکیمی  ءُ  جوانیں  کمک   کنگ ءِ پد  ءَ شگر ءُمنت واری   گپت۔  آئی  بی  ملک ءِ  درستاں چہ  کوھن تریں    ءُ ٹوھیں سویلین  انٹیلی جنس  ایجنسی   انت۔