بنجاھی وزیر اھوالکاری  ءَ اھوالکار  اعظم  چوہدری     ءِ ھوالگ ءَ شنگ  بوھوکیں   ھال آناں   رد  نامینتگ،  اعظم  چوہدری  پی ٹی  وی ءِ مزد گر نہ انت،  آ پی ٹی   وی  ءِ    چمشانک کار آںی پول   ءِ باسک  انت،  آئی ءَ را   در  کنگ نہ  بوتگ  ءُ   نہ  یل  کنگ ءِ گوشگ  بوتگ،  مریم  اورنگزیب

اسلام آباد۔11جولائی  (اے پی پی): بنجاھی وزیر اھوالکاری  ءُ شنگ کاری مریم اورنگزیب  ءَ  اھوالکار   اعظم   چوہدری  ءِ ھوالگ ءَ  چہ   "فرائیڈے ٹائمز”  ءَ شنگ  بوھوکیں  ھال آناں رد    گوشتگ  آئی  ءَ گوشتگ کہ  اعظم  چوہدری  پی  ٹی  وی  ءِ مزدگر  نہ  انت،  ءُ نا ں  کہ آ  کدئی  پی ٹی  وی ءِ مزدگر ءِ بوتگ،   آ  پی ٹی وی ءِ جیڈھ  آنی    سر ءَ چمشانک    کار آںی  پول ءِ ایوک ءَ یک  باسک ات۔  آئی  ءَ را   آ  پول ءَ چہ ل  دز  کش کنگ نہ بوتگ    ءُ ناں آئی ءَ  را   دز کش  بوھگ ءِ  گوشگ بوتگ۔   آئی  ءِ گوما اے رنگیں اچ  تران  نہ بوتگ۔    بنجاھی وزیر اھوالکاری  ءَ وتی ٹویٹ  ءَ  ریکاٹ  ءِ  راست   بوھگ ءِ واستہ  لستیں   راستی پیش  کت انت  ءُ گوشت کہ  حکومت ءَ اے اھوالکار     ءِ  ھیال  ءُ لیکہ     آں  چہ سرپد  بوھگءَابید   لوٹیتگ کہ  مراگش ءَ  بیا،   اگاں حکومت آئی  ءِ گوانگ  یا  سوال   ءَ را  ڈگار   جنگ بہ لوٹ اتنت  گڈا ایشرا    گوانک نہ جتگ اتے ءُ  جست    گرگ ءِ موہءِ  نہ داتگ ات۔    آئیءَ گوشت کہ   مزن وزیر  ءَ اے  اھوالکار ءِجست ءِ سرجمیں پسو    داتگ۔  مزن وزیر  ءَ اے   روچ ءَ گورنر  گس  لاہور  ءِ   کوٹی  ءَ  جتا جتائیں رپورٹرز آنی   جست آنی پسو  دیگ ءَ  وھد گوازینتگ۔  بنجاھی وزیر   اھوالکاری   ءَ گوشتگ  کہ    گوستگیں پی ٹی  آئی   حکومت   ءُ  ایشی ءِ فاشسٹ   مزن وزیر    آئی  ءَ  کہ  رپورٹرز   ود آؤٹ  بارڈرز  (آر ایس ایف)  ءَ  "پریس  فریڈم  پریڈیٹر”   نامینتگ بوتگ۔   ءِ  مٹوئی   ءَ  مزن وزیر  شہباز شریف  ءُ استیں حکومت   میڈیا     ءِ آزاتی   ءِ سر ءَ سرجمیں  دل  یکیمی  دار ائیت۔