اسلام آباد۔11جولائی (اے پی پی): مزن وزیر محمد شہباز شریف ءَ گوشتگ کہ پاکستان ءُ چین ءَ مدام سکیں ساھت ءَ یک ءِ دومیگ ءِ گوما ھمبراہ داری کتگ ءُ و ت مہ وتی سیت ءِ جیڈھ آنی ھوالگ ءَ یک ءِ دومیگ ءِ کمک کتگ۔ مزن وزیر کاگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ عوامی جمہوریہ چین ءِ …
مزن وزیر محمد شہباز شریف ءَ گوں چین ءِ ناظم الامور پانگ چنکسو ءِ گند ءُ نند
گیشتریں ھال
اسلام آباد۔11جولائی (اے پی پی): مزن وزیر محمد شہباز شریف ءَ گوشتگ کہ پاکستان ءُ چین ءَ مدام سکیں ساھت ءَ یک ءِ دومیگ ءِ گوما ھمبراہ داری کتگ ءُ و ت مہ وتی سیت ءِ جیڈھ آنی ھوالگ ءَ یک ءِ دومیگ ءِ کمک کتگ۔ مزن وزیر کاگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ عوامی جمہوریہ چین ءِ ناظم الامور پانگ چنکسو ءَ گوں تران کنان ءَ کت آئی ءَ سئے شمبے ءَ ادا آئی ءَ گوں گند ءُ نند کت۔ مزن وزیر محمد شہباز شریف ءَ کمیونسٹ پارٹی آف چائنہ ءِ 102 یک سد ءُ دومی سالروچ ءِ پد ءَ مبارک بات دات ءُ پاکستان ءِ یکوئی، سالمی ءُ اقتصادی دیمروئی ءِ واستہ کمیونسٹ پارٹی ءِ سروکی ءِ کمک ءِ پد ءَ شگر ءُ منت واری گپت۔ آئی ءَ گوشت کہ دوئیں آسن چکیں مھکمیں دوست انت ، پاکستان ءُ چین ءَ مداسم سکیں ساھت ءَ یک ءِ دومیگ ءِ گوما ھمبراہ داری کتگ ءُ وت مہ وتی واھگی کار آنی تہ ءَ یک ءِ دومیگ ءِ کمک کتگ۔ مزن وزیر چین ءِ صدر شی جن پنگ ءُ مزن وزیر لی کی کیانگ ءِ گوما وتی گند ءُ نند آنی تران کت ءُ گوشت کہ مزن وزیر ءَ دوئیں ملک آنی نیام ءَ دو نیمگی یکوئی آناں مھکم جوڑ کنگ ءِ واستہ چین ءِ سروک آنی پکوئیں جزم ءَ را ساڑات۔ پاکستان ءُ چین ءِ یکوئی آناں گہتری ءُ اقتصادی ءُ مالیاتی یکوئی آناں شاھیگانی دیگ ءِ ھوالگ ءَ مزن وزیر ءَ پاکستان ءِ معاشی برجائی ءِ واستہ چین ءِ کمک آنی بابت ءَ شگر ءُ منت واری گپت ءُ دوئیں ملک آنی نیام ءَ میاں اوستمانی دیمروئی گامگیج ءُ سی پیک ءِ چیر دستی ءَ دیمروئی کمک آناں گیش مھکم جوڑ کنگ ءِ واستہ وتی پکوئیں جزم ءِ درشان کت۔
