کشت  ءُ کشاری   شوبگ  ءِ دیمروئی   ءُ  برآمدی  چیز آنی  ودینگ ءِ واستہ  ما  ٹوھیں  منصوبگ   تیار  کتگ،    مزن وزیر    ءِ فاٹا   یونیورسٹی   ءِ مراگش ءَ گوں   گشتانک

پشاور ۔11جولائی  (اے پی پی): مزن وزیر محمد  شہباز  شریف  ءَ گوشتگ کہ پاکستان زوت  وتی  پاد آنی سر ءَ اوش ائیت،  گریبی  ھلاس  بیت،  گران   بھائی  ءِ  تہ ءَ   کمی    کئیت۔  آئی ایم ایف  ءِ  پروگرام   ما  گوں   وشی ءَ  قبول   نہ کنت۔  کشت ءُ کشار  ءِ شوبگ ءَ پاکستان  ءِ کسمت  مٹ   بوت  کنت۔  کشت ءُ کشار ءِ شوبگ  ءِ دیمروئی  ءُ برآمدی  چیز آنی   ودینگ ءِ واستہ ما  ٹوھیں   منصوبگ   تیار  کتگ۔  سپارش  ءُ کرپشن   آں  ملک ءَ را  تاوان  پجارینتگ۔   یک  ھم لیپ  ٹاپ ءِ سپارش ءِ سر ءَ      دیگ نہ بیت۔  پاکستان   آیوکیں لستیں  سال  آنی تہءَ     پڑ  ءَ وشھال    ءُ دیمروئی  کنوکیں  ملک ءِ جوڑ  بیت۔  سعودی عرب  ءَ سکی  ءَ پاکستان ءِ گوما  ھمبراہ داری  کتگ۔   2  ارب  ڈالر  ءِ پجاری ءِ  پد ءَ سعودی عرب   ءِ حکومت  ءِ شگر ءُ منت وار آں۔  اے ھیالانی درشانی آئی  ءَ سئے شمبے  ءِ روچ ءَ  فاٹا  یونیورسٹی  ءِ فیز  ون   ءِ بنگیج  ءُ لیپ   ٹاپ    بھر  ءُ بانگ    کنگ ءِ مراگش    ءَ گوں گشتانک دیان ءَ کت۔  اے موہ ءَ   گورنر  خیبر پختونخوا  حاجی  غلام   علی،  ادارکی  سر وزیر اعظم  خان،  بنجاھی  وزیر اھوالکاری ءُ شنگ کاری مریم  اورنگزیب  ،    مزن وزیر ءِ ھاسیں کمکار  برائے   ورنا آنی  کار  شزہ  فاطمہ ،    مزن وزیر  ءِ ھاسیں کمکار  انجینئر  امیر مقام ، ھاسیں کمکار  عطا  تارڑ  ءُ چیئرمین   ہائر  ایجوکیشن   کمیشن  ڈاکٹر  مختار احمد  ھم ساڑی  ات۔