اسلام آباد۔ 11 جولائی (اے پی پی) چیئرمین سینیٹ محمد صادق سنجرانی تون چیئرمین نیشنل ہائی وے اتھارٹی سے شنبے نادے آ داڑے پارلیمنٹ ہاؤس اٹی اوڑدہی کرے ہراٹی ضلع چاغی ٹی دالبندین آن زیارت بلانوش سڑک نا ڈٹ آ پیش رفت آ گپ وتران کننگا۔ سینیٹ سیکرٹریٹ نا کنڈآن جاری بیان نا رداٹ چیئرمین این ایچ اے پارے کہ 77 کلومیٹر سڑک آ کاریم نا بنااگست اٹی بناکیک۔ اوپارے …
چیئرمین سینیٹ محمد صادق سنجرانی تون چیئرمین این ایچ اے نا اوڑدہی
گیشتریں ھال
اسلام آباد۔ 11 جولائی (اے پی پی) چیئرمین سینیٹ محمد صادق سنجرانی تون چیئرمین نیشنل ہائی وے اتھارٹی سے شنبے نادے آ داڑے پارلیمنٹ ہاؤس اٹی اوڑدہی کرے ہراٹی ضلع چاغی ٹی دالبندین آن زیارت بلانوش سڑک نا ڈٹ آ پیش رفت آ گپ وتران کننگا۔ سینیٹ سیکرٹریٹ نا کنڈآن جاری بیان نا رداٹ چیئرمین این ایچ اے پارے کہ 77 کلومیٹر سڑک آ کاریم نا بنااگست اٹی بناکیک۔ اوپارے کہ دالبندین زیارت بلانوش سڑک نا ڈٹ اکن ٹینڈرنگ نا عمل بروک آ منہ دے اٹی پورو مریک، دالبندین زیارت بلانوش سڑک نا ڈٹ انا بنداو ءِ چیئرمین سینیٹ تخک۔ چیئرمین سینیٹ ضلع چاغی ٹی سڑک آتے گچین کننگ کن این ایچ اے نا کوشست آتا ستاءِ کرسا پارے کہ دا سڑک نا تفنگ آن علاقہ ٹی بنداوی پنجر نا شونداری ءِ مون آ دننگک و چاغی نا ہنکینی تا متکن آ خواست پورو مریک۔ اوپارے کہ بلوچستان اٹی این ایچ اے نا کنڈآن سڑک نا دا ڈٹ علاقہ نا راجی و اقتصادی شونداری ٹی حصہ شاغک، سڑک نا تفنگ اتون الس ءِ گچین رسینگ و ہن و بر نا آسراتی دُوبریک۔ اوپارے کہ ات و در ءِ گچین کننگ کن دالبندین آن زیار ت بلانوش سڑک نا تفنگ اہم ءُ گام اسے۔
