ایکسائز اینڈ ٹیکسیشن ڈیپارٹمنٹ نا مون انگا شیشہ  وفینسی نمبر پلیٹ گاڈی تا برخلاف کارروائی، 20 گاڈی تا رجسٹریشن معطل

اسلام آباد۔ 11 جولائی (اے پی پی) ایکسائز اینڈ ٹیکسیشن ڈیپارٹمنٹ مون انگا شیشہ و غیرنمونہ/فینسی نمبر پلیٹ گاڈی تا برخلاف کارروائی کرسا 20 رنگ برنگی شیشہ و فینسی نمبر پلیٹ والا گاڈی تا رجسٹریشن ءِ معطل کرے۔ سے شنبے نادے آ ضلعی انتظامیہ نا کنڈآن جاری سرجم حوال آتا رداٹ ڈپٹی کمشنر اسلام آباد نا پارت آ ایکسائز اینڈ ٹیکسیشن ڈیپارٹمنٹ نا مون انگا شیشہ و غیر نمونہ/فینسی نمبر پلیٹ آتا برخلاف ہڑدے ئی بنداو آ سخت ایکشن و کارروائی نا چرجوئی برجاءِ۔ کارروائی ٹی بیست رنگ برنگی شیشہ و فینسی نمبر پلیٹ والا گاڈی تا رجسٹریشن ءِ معطل کننگا۔ اسسٹنٹ کمشنر انڈسٹریل ایریا اے ای ٹی اوز، ٹریفک پولیس تون اوار گاڈی تے چیک کرے۔ چیکنگ نا وخت آ بھاز انگا گاڈی تے چیک کننگا، ہرافتے ٹی رنگ برنگی شیشہ و فینسی نمبرپلیٹ آتا سوب آن بیست گاڈی تا رجسٹریشن ءِ معلطل کننگا و دا گاڈی تا رجسٹریشن داسہ رنگ برنگی شیشہ و فنسی نمبر پلیٹ آتے دڑفنگ آن پد بحال کننگک۔