اسلام آباد۔10جولائی (اے پی پی): مزن وزیر آزات کشمیر ءِ پنت ءُ شون ءِ پد ءَ آئی ڈی ڈیجیٹل میڈیا سیکشن ءَ را نوکیں زمانگ ءِ لوٹ آنی رد ءَ ڈائریکٹر اھوالکاری راجہ امجد حسین منہاس ءَ ڈل ءِ ھمبراھی ءَ ایسوسی ایٹڈی پریس آف پاکستان (اے پی پی) ءِ تر ءُ تاب کت ءُ ایگزیکٹو ڈائریکٹر عدنان اکرم باجوہ ءُ ایگزیکٹو ڈائریکٹر نیوز محمد حنیف صابر ءَ گوں گند ءُ نند کت۔ گند ءُ نند ءِ ساھت ءَ ڈیجیٹل میڈیا ونگ ءِ ھم چار ءُ تپاسی گپت ءُ اے پی پی ءِ نیمگ ءَ چہ ڈل ءَ را ڈیجیٹل ءُ سوشل میڈیا ءِ نوکیں لوٹ ویب ٹی وی ءُ سوشل میڈیا منیجمنٹ ءُ اے پی پی ءِ جتا جتائیں سروسز آنی ھوالگ ءَ بریفنگ دیگ بوت۔ ڈسٹرکٹ انفارمیشن اپسرگ مظفر آباد راجہ سہیل خان ءُ پروگرامر سرداسر شمیم انجم عزیز ھم ڈل ءِ ھمبراھی ءَ ساڑی اَت۔ اے موہ ءِ سر ءَ تران کنان ءَ ایگزیکٹو ڈائریکٹر عدنان اکرم باجوہ ءَ گوشت کہ اے پی پی وتی سوشل ءُ ڈیجیٹل میڈیا ءِ شوبگ ءَ ھاسیں دلگوشی کنگ ءَ انت۔ ما اے شوبگ ءِ واستہ نوکیں ساز ءُسامان ءُ آسراتی آنی سٹوڈیو ءِ جوڑ کتگ ادا چہ اے پی پی ویب ٹی وی ءِ ٹیلی کاسٹ چلائینگ بیت۔ استیں دور ءَ ڈیجیٹل میڈیا ءِ دور ءُ باریگ انت۔انوں پرنٹ میڈیا ءِ گوما الیکٹرانک میڈیا چینلز آں ھم وتی وتی ڈیجیٹل میڈیا ونگز جوڑ کتگ ایشی ءَ چہ ایشی ارزشت گیش بوتگ۔ آئی ءَ گوشت کہ محکمہ اھوالکاری آزات کشمیر اے شوبگ ءَ جوانیں کار کنگ ءَ انت۔ ڈائریکٹر اھوالکاری آزات کشمیر راجہ امجد حسین منہاس ءَ گوشت کہ مزن وزیر آزات کشمیر ءِ پنت ءُ شون ءِ پد ءَ آزات کشمیر ءَ ڈیجیٹل ءُ سوشل میڈیا ونگ آناں گیش آسودگ ءُ برجا ءُ جوان جوڑ کنگ ءِ واستہ گامگیج کنگ ءَ انت۔ اے پی پی ءِ ڈیجیٹل میڈیا ونگ جوانیں رپک ءَ کار کنگ ءَ انت، اے پی ءِ تجروبت آں چہ سیت چست کنگ ءِ واھشت ایگ آں۔ آئی ءَ گوشت کہ محکمہ اھوالکاری ءَ آزات کشمیر ءَ ڈیجیٹل ءُ سوشل میڈیا ونگ جوڑ کتگ ایشی ءِ چیر دستیءَ نوکیں سٹوڈیو جوڑ کنگ بوتگ وھدیکہ ڈی ایس این جی وین تیاری ءِ گڈی سیم سر ءَ انت۔ ما وتی سوشل میڈیا ونگ ءَ را گیش گہتر جوڑ کنگ ءِ واستہ اے پی پی ءِ کوآرڈنینیشن ءِ گوما کار کنگ لوٹاں۔ ایگزیکٹو ڈائریکٹر نیوز محمد حنیف صابر ءَ گوشت کہ آزات کشمیر ءِ محکمہ اھوالکاری ءِ کرا جوانیں پروفیشنلز آنی ٹیمب ساڑی انت۔ محکمہ جوانیں پریس ریلیز جاڑ ی کنت۔ اے پی پی ڈیجیٹل میڈیا ءِ ھیل کاری پروگرام آنی تہ ءَ محخمہ اھوالکاری آزات کشمیر ءَ را ھم ھوار کنت۔
