اسلام آباد۔ 10 جولائی (اے پی پی) وزیراعظم محمد شہباز شریف اینو(دوشنبے نادے آ) اسلام آباد کنونشن سینٹر اٹی اڈ ہلوک آ کشت وکشار و غذائی رکھ آ قومی سیمینار اٹی مہمان خاص نا وڑاٹ بشخ ہلیک۔ وزیراعظم آفس نا میڈیا ونگ آن جاری بیان نا رداٹ چیف آف آرمی اسٹاف جنرل سید عاصم منیر اعزازی مہمان نا وڑاٹ دود اٹی بشخ ہلیک۔ سیمینار اٹی بنجائی وزیر خزانہ، دفاع، ڈٹ بندی و خصوصی گام گیج، قومی غذائی رکھ و پٹ وپول، حوالکاری و شینکاری ، غٹ صوبہ غاتا چیف سیکرٹریک، کشاری چاہندار و بڑزکو عسکری کمامدارآک ہم بشخ ہلیرہ۔ گرین پاکستان گام انا رداٹ غٹ اسٹیک ہولڈر آک کشاری بشخ انا پائیدار شونداری و اونا زرگزرانی فائدہ غاتیان فائدہ ہرفنگ کیرہ۔ سیمینار اٹی کارپوریٹ فارمنگ، پبلک پرائیویٹ پارٹنر شپ ، لائیو اسٹاک و کشاری بشخ اٹی زرکاری آ گپ وتران مریک۔ کشاری پیدوار ءِ ودفنگ کن پوسکن آ کشاری مشینری، بج، کھد، مائیکرو نیو ٹریئنٹس و پیسٹی سائیڈآتا کاریم اٹ اتنگ آ گپ وتران مریک۔ وزیراعظم سیمینار آن تران ہم کیک و پوسکن آ کشت و کشار و لائیو اسٹاک نا نمائش نا دورہ ءِ ہم کیک۔
