اسلام آباد۔ 10 جولائی (اے پی پی) وزیراعظم محمد شہباز شریف شکرگڑھ اٹی نوکاپی دیر اٹی اختہ مخلوق نا وخت آ کشنگ و کمک آ رینجرو ریسکیو 1122نا کارندہ غاتا خذمت آتا ستاءِ کرسا گمانی وڑاٹ زہمی مروک آ علاقہ غاتیٹی مخلوق نا آگاہی و وخت آباحفاظت کشنگ نا تیاری تا ہم پارت کرے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف پارے کہ رینجرو ریسکیو نا وخت آ کمکی کارروائی آن زالبول و چناتتون اوار چندی بندغ آتا جون ءِ بچفنگا۔ وزیراعظم پارے کہ پاکستان نا فرض شناس گلزادہ غاتے کنتون اوار مچ آ قوم خراج تحسین پیش کیک۔ وزیراعظم ریسکیو ادارہ غاتے راوی، چناب و ستلج اٹی گمانی نوکاپی حالیت آتون مون تننگ کن فول پروف بست وبند آتا پارت کرے۔ وزیراعظم گمانی وڑاٹ زہمی مروک آ علاقہ غاتیٹی مخلوق نا آگاہی و وخت آ حفاظت اٹ کشنگ نا تیاری تا ہم پارت کرے۔
