اسلام آباد۔ 10 جولائی (اے پی پی) بنجائی وزیر خزانہ و محصولات سینیٹر محمد اسحاق ڈار پارینے کہ حکومت ملک اٹی کاروبار اٹ آسانی و زرکاری نا مون آ دننگ کن جوان گام گیج کننگ اٹی ءِ۔ اوداہیت ءِ دوشنبے نادے آ پنجا ب نا ایوان ہائے صنعت و واپار نا صدر آتا دیوان آن تینا ورچوئل تران اٹی پارے۔ داوخت آ آل پاکستان ٹیکسٹائلز ملز ایسوسی ایشن نا صدر گوہر اعجاز تون اوار پنی آ کاروباری شخصیت آک ہم ساڑی ئسر۔ وزیراعلیٰ پنجاب محسن نقوی دیوان نا کنوینئر ئس وخت اس کہ داوخت آ پنجاب کابینہ نا باسک آک ہم ساڑی ئسر۔ وزیرخزانہ اقتصادی بحالی و احیاء نو کن حکومت نا پالیسی فیصلہ و گام گیج آتے مون آ تخا و پارے کہ ملک اٹی کاروبار و زرکاری دوست چاگڑد نا جوڑ کننگ حکومت نا اولیت آتیٹی اوار ءِ۔ اوپارے کہ پائیدار نمو و زرگزرانی سوگوی ٹی پوریاگر و کاروباری برادری نا کڑد اہمیت تخک۔
