عمران خان تینا ہی پیروڈی جوڑ مسنے، سینیٹر شیری رحمان

اسلام آباد۔ 10 جولائی (اے پی پی) بنجائی وزیر موسمیاتی بدلی سینیٹر شیری رحمان پارینے کہ عمران خان تینا ہی پیروڈی جوڑ مسنے، 9 مئی آ غٹ خنار، شاہدیک پک کیرہ کہ عمران خان 9 مئی نا ماسٹر مائنڈ ءِ و او مخلوق ءِ بیدادی آ ہشکاتس۔ دوشنبے نادے آ تینا اسہ ٹویٹ اسے ٹی اوپارے کہ عمران خان سوچا کہ اونا مون تروک آ سلہہ بند پھساتی تا کنڈآن ریاستی تنصیب، ایمبولینس، ریڈیواسٹیشن و جنگی ہیروتا یات گار آتیا جلہو آتیان اودے سیاسی فائدہ مریک، اسہ ہم جمہوری سیاسی جماعت اس داوڑنا ردعمل تفک دُن کہ نی اسہ چنکو دزگیری اسے آ تسوس ۔ پیپلزپارٹی دہائی اسکان سختی و مشکل آتے سگا ولے وخت اس ہم ملکی ادارہ غاتیا جلہو کتو ۔ داسہ دا دعویٰ کننگ ءُ کہ پاکستان اٹ اینو آن مہالو زالبول آتے اسُل بندی کننگتنے ولے فریال تالپور، مریم نواز و ایلوفتے اوفک تینٹ دہشت گرد آتیانبار زندان آ مون تسوسر۔