لالہ موسیٰ۔ 10جولائی(اے پی پی) پاکستان پیپلزپارٹی نا مرکزی راہشون و بنجائی سلاہکار قمرزمان کائرہ پارینے کہ سیوتی جماعت آتیٹی سیٹ ایڈجسٹمنٹ نا فارمولاداسکان طے متنے ولے داڑا شرہ برجاءِ۔ داخیال آتا درشانی ءِ او ڈیرہ کائرہ غا صحافی تتون گپ وتران کرسا کرے، قمر زمان کائر ہ پارے کہ دا گچین کاری اسمبلی نا مد پورو کننگ آن پد مننگ والا ءُ و الیکشن اٹ ہچ ءُ اڑاند اس اف ، ملک اٹ ویل آک بھاز زیات ءُ ولے وسیلہ غاک بھاز کم افس ولے داکان پد ہم حکومت ہرا کاریم بھاز المی ءِ او دے کرفنگ ءِ کنا حلقہ ٹی ارب آ روپئی نا شونداری ڈٹ آک برجاءُ، ہندا وڑ مچ آ ملک اٹی کاریم مننگ ءِ دا دا کاریم مرسا کیک۔ اوپارے کہ باسنی تا موسم اٹ بجلی نا پرابلم معمول نا ہیت اسے ولے اوکان پد ہم کنا حلقہ ٹی بجلی نا اخس اسکیمک ءُ ہموخس اسہ حلقہ سے ٹی ہم اف، بے شمار ٹاسفارم اپ گریڈ کننگانے و کننگ انگ ءِ ، بجلی نا خرابی ءِ مر کننگ اٹ ہرا وخت لگک اونا سوب آن واپڈا تون سٹاف نا کمتی ءِ محکمہ گوجرانوالہ غان گڑاس بندغ آتا ٹرانسفر ءِ لالہ موسیٰ کریسس ولے او شاید پدی ٹرانسفر کرفنگانو ننا واپڈا کمامدار آتون گپ وتران چلینگ انگ ءِ ہرانا رداٹ واپڈا ٹی ہندی مخلوق ءِ بھرتی کننگک تانکہ بدلی کرفسا ہِننگ نا سوج ہی ودی مف ولے داٹی گڑاس وخت لگنگ کیک، سٹاف نا کمتی پورو مننگ تون لالہ موسیٰ ٹی ارٹ میکو کمپلینٹ آفس اس جوڑ کننگک، اوپارے کہ حلقہ نا ویل آتا ای زموار افٹ انتئے کہ ای تدوک آ دہ سال آن حلقہ نا نمائندہ افٹ 2 دور گدرینگانے دا سوج الس اوفتیان کننگ کیک ، کنے تو کنا جماعت نا کنڈان دازمواری ملانے ولے ای تو ولدا ہم حلقہ کن کاریم کننگ اٹی اُٹ، لالہ موسیٰ ٹی جی ٹی روڈ انا تفنگ و سیوریج نا بابت سوج انا ورندی ٹی قمرزمان کائرہ پارے کہ سیوریج نا چرجوئی ٹی گڑاس مخلوق ءِ میونسپل کمیٹی تون خداواسطہ نا دشمنی ءِ سیوریج نا سفائی ٹی مین ہول آتیان بستر و ریک انا گونی ، خشت آتا پیش تمنگ زیادتی اسے، وخت اس کہ بشام نا سوب آن جی ٹی روڈ انا تفنگ اٹ اڑاند بننگ ءِ پر تا چرجوئی چٹنگ تون جی ٹی روڈ انا تفنگ پورو مریک۔
