راولپنڈی۔ 10 جولائی (اے پی پی) اینٹی نارکوٹکس فورس (اے این ایف ) راولپنڈی تون اوار مچ آ ملک منشیات تور آپریشن تیٹی بھلو کچ اسے ٹی منشیات دوئی کرسا 7 دوبہ دار ءِ دزگیر کرے۔ اے این ایف ہیڈ کوارٹر راولپنڈی آن جاری بیان نا رداٹ کھنہ روڈ راولپنڈی نا خڑک راولپنڈی نا ہنکینی دوبہ دار اسے نا کوزہ غان کلو چرس دوئی کننگا۔ تربت نا غیر آباد علاقہ ٹی جھاڑی تیٹی اودیم 18 کلو آئس دوئی کننگا۔ بلاول چورنگی کلفٹن کراچی نا خڑک رکشہ سے آن 10 کلو چرس دوئی کرسا کراچی نا ہنکینی دوبہ دار اسے دزگیر کننگا۔ شکارپور روڈ سکھر نا خڑک خیرپور نا ہنکینی دوبہ دار اسے آن 2 کلو چرس دوئی کننگا۔ باچہ خان انٹرنیشنل ایئرپورٹ آ جہاز نمبرGF-787نا کمک اٹ بحرین آ ہنوک آ مسافر اسے نا پِڈ آن 101 دانہ ہیرون و آئس آن پُر کیپسول دوئی کننگا۔ دوبہ دار اسے نا پڈ آن 77 دانہ آئس آن پُر وخت اس کہ 24 دانہ ہیرون آن پُر کیپسول دوئی مس۔ داوخت آ باڑہ خیبر نا ہنکینی دوبہ دار اسے دزگیر کننگا۔ گوجرانوالہ روڈ آ شیخوپورہ نا ہنکینی موٹرسائیکل سُوار اسے نا کوزہ غان 1 کلو 800 گرام چرس دوئی کننگا۔ کوٹ لکھپت لاہور اٹی واقع کوریئر آفس اٹ نرینہ ئی آ پچ آتیا تالان پارسل اسے آن 33 گرام ہیرون دوئی کننگا۔ دوئی ہیرون تے پچ آتیٹی جذب کننگاسس۔ ہندا پارسل ءِ یونان آ گدریفوئی ئسک۔ ملتان انٹرنیشنل ایئرپورٹ آ کارروائی ٹی جہاز نمبر PA-812نا کمک اٹ شارجہ غا ہنوک آ بنوں نا ہنکینی دوبہ دار اسے دزگیر کننگا۔ ترجمان اے این ایف نا رداٹ غٹ دوبہ دار آتا برخلاف منشیات تور ایکٹ نا رداٹ مقدمہ درج کرسا مستی جاست و پاست نا بناء کننگانے۔
