اسلام آباد۔ 10 جولائی (اے پی پی) پاکستان مسلم لیگ (ن) نا سینیٹر عرفان صدیقی پارینے کہ فرانس اٹی جنگ و جھیڑہ نا واقعہ غاتے داسہ اِرا ہفتہ متنے کہ عدالت آک تینا چھٹی تے منسوخ کرسا ہڑدےنا بنداوآ سماعت کریر و جنگ و جھیڑہ ٹی اوار بندغ آتے سخت سزا بِنفنگ انگ ءِ۔ دوشنبے نادے آ تینا ٹویٹ اسے ٹی اوپارے کہ 27جون آ فرانس اٹ پولیس نا دوتے اٹ ورنانا زوال کننگ آن پد جھیڑہ غاتیٹی اوار 3600 بندغ دزگیر مسر، دمدستی سماعت نا عدالت ہفتہ وار چھٹی تے منسوخ کرسااوور ٹائم خلنگ نا بناءِ کریر و سماعت اسہ دے اٹی تمام مریک۔ اوپارے کہ ہموڑے سخت سزا بِنفنگ انگ ءِ حالانکہ دا جنگ و جھیڑہ ءِ داسکان اِراہفتہ ہم گدرینگتنے۔
