اسلام آباد۔7جولائی (اے پی پی):ڈپٹی چیئرمین سینیٹ مرزا محمد آفریدی ءَ گوشتگ کہ مرچی سرجمیں ملک سویڈن ءَ قرآن پاک ءِ بے شرپ کنگ واکیہ ءِ بابت ءَ جاک ءُکوکار کنگ ءَ انت، اے نمونگ ءِواکیہ آنی گر ءُ دار ءِ واستہ توامیں ملک آناں یکجا بوھگ ءُ کار کنگ ءِ ضلورت انت۔ سینیٹ سیکرٹریٹ ءِ میڈیا ڈائریکٹوریٹ ءِ نیمگ ءَ آدینگ ءِ روچ ءَ جاڑی بوتگیں بیان ءِ رد ءَ اے ھیالانی درشانی آئی ءَ آدینگ ءِ روچ ءَ ” یوم ءِ تقدیس قرآن ” ءِ موہ ءَ وتی کلوہ ءَ کت۔ مرزا محمد آفریدی ءَ گوشتگ کہ سرجمیں ملک سویڈن ءَ قرآن پاک ءِ بے شرپ کنگ ءِ واکیہ ءِ بابت ءَ جاک ءُ کوکار ءَ انت۔ اے رنگیں واکیہ سرجمیں دگنیا ءَ مسلمان آنی واستہ دل رنجیگ انت۔ آئی ءَ گوشت کہ اے نمونگ ءِ واکیہ آناں گیشاں چہ گیش مذمت ءَ کناں۔ سویڈن ءُ سرجمیں دگنیا ءِ کجام ھم کنڈ ءَ اے رنگیں واکیہ ءِ ما مذمت ءَ گراں۔ آئی ءَ گوشت کہ اے رنگیں واکیہ آنی گر ءُ دار ءِ واستہ یکجائی ءَکار کنگ ءِ ضلورت انت۔
