اسلام آباد۔ 07 جولائی (اے پی پی) وزیراعظم محمد شہباز شریف پارینے کہ سویڈن اٹی اسہ بدبخت اسے نا دوتے آن قرآن پاک نا بے شرفی نا است ہسون واقعہ غا اینو جمعہ نا نماز آن پد غٹ پاکستانیک پرامن برانز ریکارڈ کرفرہ۔ جمعہ نادے آ تینا ٹویٹ اٹی وزیراعظم پارے کہ قرآن مجید نا حرمت نا باندات آ مچ آ قوم اسٹ ءِ۔ سانحہ سویڈن آ مچ آ امت مسلمہ مضطرب ءِ۔ اسہ بدبخت اسے نا دوتے آن قرآن پاک نا بے شرفی نا است ہسون واقعہ غا تینا جوزہ و احساس آتا درشانی ءِ کننگ کن یوم تقدس قرآن نا عنوان آن اینو نن غٹ اسہ توار مرسا مچ آ ملک اٹی برانز کینہ و جمعہ نا نماز آن پد پاکستانی قوم مسلمان تا غٹ تپہ ناموس قرآن نا بیرک ءِ ہرفسا تینا پرامن برانز ءِ ریکارڈ کرفرہ۔ وزیراعظم پارے کہ قرآن ننا است اٹی ءِ۔ قرآن ننکن بیرہ قرات آخا بلکن زندانا قرینہ ءِ۔
