پشاور۔ 07 جولائی (اے پی پی) جسٹس محمد ابراہیم خان بطور قائم مقام چیف جسٹس پشاور ہائی کورٹ عہدہ نا سوغند ہرفے۔ سرجم حوال آتا رداٹ گورنر ہاؤس پشاور اٹی پوسکن تعینات قائم مقام چیف جسٹس پشاور ہائی کورٹ محمد ابراہیم خان آن خیبرپختونخوا حاجی غلام علی بطور قائم مقام چیف جسٹس عہدہ نا سوغند ہلک۔ دود اٹی سیکرٹری کانود شگفتہ نوید جسٹس محمد ابراہیم خان نا بطور قائم مقام چیف جسٹس پشاور ہائی کورٹ تقرری نا صدارتی اعلامیہ ءِ خوانسا بنفے۔ گورنر خیبرپختونخوا حاجی غلام علی نا قائم مقام چیف جسٹس پشاور ہائی کورٹ جسٹس محمد ابراہیم خان ءِ پوسکن آ زمواری تیا مبارکباد، نیک است خواہی نا درشانی ءِ کرے، سوغندی دود اٹی پشاور ہائی کورٹ نا جج ، وکیل آک، نگران صوبائی وزیر افضل الٰہی ، ساول نذیر ایڈووکیٹ، جسٹس (ر) ارشاد قیصر، نگران وزیراعلیٰ نا سلاہکارپیر ہارون شاہ،رحمت سلام خٹک، حاجی ہدایت اللہ خان، ڈاکٹر ریاض انور ، آئی جی پولیس اخترحیات خان، چندی محکمہ غاتا انتظامی سروک آک بشخ ہلکر۔
