اسلام آباد۔6جولائی (اے پی پی): مزن وزیر محمد شہباز شریف ءَکیاسگری ریفرنس ءَ محمد نواز شریف ءِ بری بوھگ ءِ ھوالگ ءَ دل وشیءِ درشان کنان ءَ گوشتگ کہ کیاسگری آمید گس ءِ پیسلہ گواہی دیگ ءَ انت کہ نواز شریف ءَ را سیاسی رد ءَ تاوان پجارینگ ءِواستہ پا زانت ءُکسدا دروگیں کیس آنی تہءَ ھوا ر کنگ بوتگ۔ مرچی کیاسگری آمید گس ءَ سہرا بوتگ کہ نواز شریف ءَ را سیاسی تاوان پجاری ءِ واستہ کیس جنگ بوتگ۔ اے درستانی پشت ءَ نیب نیازی وت مہ وت پندل ساچگ آنی سببءَ نشانگ بندگ بوتگ۔ پنچ شمبے ءِ رو چ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیانءِ رد ءَ مزن وزیر ءَ ھدا وند ءِشگر ءُمنت گپت ءُ گوشت کہ محمد نواز شریف ءَ را انصاف رستگ۔ کیاسگری آمید گس ءِ پیسلہ گواہی دیگ ءَ انت کہ نواز شریف ساپءُ سلہ انت سیاسی بیر گیری ءِ واستہ آئی ءَ را کیس جنگ بوتگ۔
