اسلام آباد۔6جولائی (اے پی پی):مزن وزیر محمد شہباز شریف ءَ گوشتگ کہ سویڈن ءَ مزنیں ائید ءِ روچ ءَ قرآن کریم ءِ بے شرپ کنگ ءِ مول ءُ مراد مسلمان ءُ عیسائی آنی وت مہ وت میڈینگ ءِ پندل انت ایشی یے ھرچی ایراد بگر ات کم انت، سویڈن ءَ بوھوکیں واکیہ لائک ءِ ایراد ءُمذمت انت ءُ ایشی ءَ چہ اربانی مسلمانی دل رنجیگ بوتگ انت۔ ما توامیں نیک راھ آنی شرپ ءَ کناں تانکہ مئے شرپ مندیں کتاب آنی سر ءَ کس لنکُک چست مکنت۔ ما آزاتی ءَ گوں وتی لیکہ ءِ درشان ءِ ھلاپ نہ یاں، بلے اے کار ءِ تہءَ ایندگر نیک راھ ءُ شرپ مندیں مردم آنی بے شرپی، پروپیگنڈا ءُ کسد ءُ کینگ شنگ کنگ دگنیا ءِاچ کانود موہ نہ دنت۔ مارا اسلامی دگنیا ءِ گوما یکجا بوھگ ءُ یک مھکمیں گوانک ءِچست کنگ لوٹ ائیت۔ اے ھیالانی درشانی آئی ءَ پنچ شمبے ءِ روچ ءَ پارلیمنٹ ءِ یکجائی دیوان ءَ گوں گشتانک دیان ءَ کت ۔
