اسلام آباد۔ 06 جولائی (اے پی پی) وزیراعظم محمد شہباز شریف ایسوسی ایشن آف پاکستانی فزیشنز آف نارتھ امریکہ ءِ اونا46می سالانہ کنونشن آ مبارکبادی پیش کرینے۔ پنچ شنبے نادے آ تینا ٹویٹ اٹی وزیراعظم قطبی امریکہ ٹی رہینگوک آ پاکستانی نژاد ڈاکٹر آتا تنظیم نا پاکستان کن خذمت و پاک امریکہ تعلقداری استوار کننگ نا عزم و ثابت گامی نا ستاءِ کرسا پارے کہ پاکستان اٹ تدوک آ سال است ہسون نوکاپ و کوویڈ۔ 19 نا جہانی دین آن پد مثبت ردعمل نا درشانی و وخت آ کمک آ تنظیم نا منت وار اُن۔ اوپارے کہ نما کسبی و انسانی سرسہبی تیا گمر کینہ۔ وزیراعظم محمد شہباز شریف ایسوسی ایشن آف پاکستانی فزیشنز آف نارتھ امریکہ نا صدر ڈاکٹر ارشد ریحان و اونا ایلو سنگت پاکستانی امریکی ڈاکٹر آتے مبارکبادی تس۔
