مقبوضہ دیکی کنارہ ٹی اسرائیلی کارروائیک جنگی ڈوہ ءُ، بنداوی حق انا خواست ءِ کننگ آ فلسطینی تا خون ءِ کننگ انگ ءِ، وزیراعظم شہباز شریف نا ٹویٹ

اسلام آباد۔ 06 جولائی (اے پی پی) وزیراعظم محمد شہباز شریف پارینے کہ اسرائیل  جہانی خاموشی آن حوصلہ ہلسا و نتیجہ غاتا پرواہ ءِ کننگ آن بیدس مقبوضہ دیکی کنارہ ٹی انتس کہ کننگ ءِ او بلاشبہ و عملی وڑاٹ جنگی ڈوہ اسے۔ پنچ شنبے نادے آ اسہ ٹویٹ اسے ٹی اوپارے کہ جنین پناہ گزین کیمپ اٹی اسرائیلی فضائی و ڈغاری کارروائی تیٹی 5 چناتتون اوار 12 فلسطینی تا شہیدی دنیا کن شاید بیرہ حساب وکتاب اس مرے ولے دا مخلوق سُوو دترآن جوڑ انسان ءُ ہرافتے تینا بنداوی حق انا خواست ءِ کننگ آ کسفنگ انگ ءِ۔ وزیراعظم پارے کہ اسرائیلی فضائی جلہوآتا سوب آن ہزار آ پناہ گزین تا کیمپ آن نرنگ آ بیوس مننگ نا منظر جہانی ضمیر ءِ سُرفسا کیک۔