اسلام آباد۔ 06 جولائی (اے پی پی) بنجائی وزیر حوالکاری و شینکاری مریم اورنگزیب پارینے کہ پارلیمنٹ نا اینو مروک آ اسیجائی دیوان اٹی سویڈن اٹی قرآن پاک نا بے شرفی نا قبیح واقعہ نا ترندی اٹ مذمت ءِ کننگک ۔ پارلیمنٹ نا فورم آن دنیا ءِ اسلام و ایلو مذہب آتا شرف نا کلہو ءِ تننگک، وزیراعظم شہبازشریف ہم پارلیمنٹ آن تران کیک۔ قومی احساس آتا ترجمان ءِ کرسا داوڑنا است ہسون واقعہ غاتا توننگ کن گام گیج آتا ذکر ءِ کیک وخت اس کہ (پگہ) جمعہ نادے آ مچ آ ملک اٹی یوم تقدس قرآن اڈتننگک، سویڈن واقعہ غا مچ آ ملک اٹی برانز و ریلی کشنگک۔ پنچ شنبےنادےآ تینا اسہ ٹویٹ اسے ٹی اوپارے کہ وزیراعظم غٹ جماعت و قوم آن برانز اٹی بشخ ہلنگ نا خواست کرینے۔ بنجائی وزیر حوالکاری پارے کہ ’’ ای مذمت ءِ کیوہ‘‘ مہم نا ہم بناءِ کننگانے۔ قوم خاص وڑاٹ ورناک داٹی پبی بشخ ہلیر و یوم تقدس قرآن ءِ اسہ تحریک اسے ٹی بدل کیر۔
