اسلام آباد۔ 06 جولائی (اے پی پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ضلع خیبر ناعلاقہ شکاس اٹی دہشت گرد و سیکورٹی فورس آتا نیام اٹ سم کاری ٹی میجر میاں عبداللہ شاہ نا جونی نسخان آ خاہوت تون است ہسونی نا درشانی ءِ کرینے۔ پنچ شنبے نادے آ تینا ہڑزخواہی بیان اٹی اسپیکر وڈپٹی اسپیکر پاریر کہ پاکستان نا سیکورٹی فورس آک دہشت گردی نا ناسور ءِ چٹفنگ کن سنبرینگوک ءُ۔ اوفک پاریر کہ ملک انا رکھ آ سلوک فوجی ورناتا جوزہ ءِ خراج عقیدت پیش کینہ۔ اوپارے کہ سیکورٹی فورس آتا قربانی تے اسُل است آن دَننگ مفک۔ اوفک پاریر کہ تینا جون تے ندر کرسا ملک و قوم انا دفاع ءِ ناقابل تسخیر کروک آ ک قوم انا حقی ہیروک ءُ۔ اوشہید انا خاہوت تون دلی ہمدردی و یکجہتی نا درشانی ءِ کریر۔ اوفک پاریر کہ شہید فوجی ورناتا شہیدی آ مچ آ قوم اوفتا خاہوت نا غم و ڈکھیائی ٹی بریبرنا شریک ءِ۔ اسپیکر و ڈپٹی اسپیکر اللہ تعالیٰ آن شہید آتا درجہ غاتا بڑزی و خاہوت ءِ دا بے بدل نسخان ءِ سگنگ کن صبرو جمیل عطاکننگ نا دعاکریر۔
