اسلام آباد۔ 06 جولائی (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) ورناچین اٹ آفت آتا بابت آگاہی ءِ مون آ دننگ نا چرجوئی ٹی 18 سال آن زیات وئی نا طالب علم آتیکن مصوری، فوٹو گرافی و شارٹ فلم نا مچ آ ملک مقابلہ غاتا پڑو ءِ کرینے۔ مقابلہ ٹی اولیکو پوزیشن دوئی کننگ آ اسہ لکھ، ارٹ میکو پوزیشن کن 75،000وخت اس کہ مسٹ میکو پوزیشن آ 50000روپئی اسکان کیش انعام تننگک۔ ترجمان این ڈی ایم اے نا رداٹ مقابلہ نا مسخت ورناچین اٹ آفت آتا بابت آگاہی تننگ ءِ۔ طالب علم آک تینا آرٹ ورک ءِ 25 جولائی اسکان جمع کرفنگ کیرہ۔ نتیجہ غاتا پڑو ءِ پاکستان نا اولیکو ڈیزاسٹر رسک ریڈکشن ایکسپو ٹی کننگک۔ مقابلہ نا سرحال و شڑت آک ایکسپو نا ویب سائٹ وٹویٹر آ دستیاب ءُ۔
