اسلام آباد۔ 06 جولائی (اے پی پی) بنجائی وزیر موسمیاتی بدلی و چاگڑدی رابطہ سینیٹر شیری رحمان پارینے کہ سویڈن اٹی قرآن پاک نا بے شرفی نا واقعہ گان عالم اسلام نا مذہبی احساس و جوزہ غاک مجروح مسنو، دا است ہسون واقعہ نا اینو پارلیمنٹ نا اسیجائی دیوان اٹی ترند انگا لوز آتیٹی مذمت ءِ کننگک ۔ اشتعال انگیزی نا واقعہ غاتا توننگ غٹ ملک و جہانی تنظیم تا زمواری ءِ۔ پنچ شنبے نادے آ تینا ٹویٹ اٹی اوپارے کہ نن شرف، رواداری و مذہب نا آجوئی نا اصول آتیا پکا یخین تخنہ۔ داوڑناگام گیج نئے بیرہ بندغ آتا بنداوی حق و قار ءِ مجروح کیک بلکن راج آتیٹی بشخنگ و خار انا سوب ہم جوڑ مریک۔ مذہب آتا شرف و تینا عقیدہ غا عمل کننگ نا آجوئی اسہ ہم گرنچ و جوان ءُ راج اسے نا بنداوی تمبہ ءِ۔
