اسلام آباد۔ 05 جولائی(اے پی پی) وزیراعظم محمد شہباز شریف کیپٹن کرنل شیرخان شہید ءِ اونا 24 می شہیدی دے آ خراج عقیدت پیش کرسا پارینے کہ پاکستانی قوم تینا شہید آتا مدام وامدار سلک۔ چارشنبے نادے آ تینا ٹویٹ اٹی وزیراعظم شہباز شریف پارے کہ کنتون اوار مچ آ قوم کیپٹن کرنل شیرخان شہید ءِ اونا 24 می شہیدی دے آ خراج عقیدت پیش کیک۔ تاریخ گواہ ءِ کہ قوم تا وجود شونداری و بقاشہید آتا مقدس دتر نا مرہون منت ءِ۔ کیپٹن کرنل شیرخان شہید نرزوری نا استعارہ ئس ہرا لمہ وطن نا دفاع ٹی بے مٹ جیرت نا درشانی ءِ کرے۔ پاکستانی قوم تینا شہید آتا مدام وامدار سلک و اوفتا درجہ غاتا بڑزی کن دعا کرساکیک۔
