اسلام آباد۔ 05 جولائی (اے پی پی) وزیراعظم شہباز شریف خیبرپختونخوا ٹی ترند انگا تہو وپِر و درخت آتا تمنگ آن 3 بندغ نا مرک آ ڈکھیائی و است ہسونی نا درشانی ءِ کرسا صوبائی حکومت ءِ زہمی تا پبی کمک و ٹھپی تے درمان نا گچین آسراتی تا فراوانی نا پارت کرینے۔ چارشنبے نادے آوزیراعظم آفس نا میڈیا ونگ انا کنڈآن جاری بیان نا رداٹ وزیراعظم شانگلہ ٹی 2 بندغ و کرک اٹی اسہ نیاڑی اسے نا کزیت آ زہمی خاہوت آتون ہمدردی و ہڑزخواہی کرینے۔ وزیراعظم زوال کروک آتا بخشش و اوفتا خاہوت کن صبر وجمیل نا دعا کرے۔ وزیراعظم ٹھپی مروک آ بندغ آتون ہم ہمدردی نا درشانی و اوفتا زوت دراخ جوڑی کن دعا کرے۔
