بیجنگ۔4جولائی (اے پی پی):چین ءِ صدر شی جن پنگ ءَ بیلٹ اینڈ روڈ انیشی ایٹو (بی آر آئی ) ءِ چیر دستی ءَ جتا جتائیں ملک آنی دیمروئی گامگیج ءُ دمگی کمک آنی گامگیج ءِ گوما مزن تکی جوانیں کمک آناں گہتریں رنگ ءَ ھمگام کنگ ءِ کوشست ءِ سر ءَ زور پر داتگ۔ ویڈیو لنک ءِ وسیلگ ءَ شنگھائی کمکی گل (ایس سی او) ءِ سروکی دیودان ءَ گوں ورچوئل گشتانک دیان ءَ کت۔ آئی ءَ گوشتگ کہ ایس سی او گل ءِ باسک آناں جوانیں نیمگ ءَ رھادگ بوھگ ءُ یکوئی ءُ وت مہ وتی دل یکیمی آنی تہ ءَ گیشی ءِ ضلورت انت۔ آئی ءَ سئے شمبے ءِ روچ ءَ شنگھائی کمکی گل (ایس سی او) ءِ ملک آنی نیام ءَ روگ ءُ آیگ ءُ وت مہ سکھارینگ ءِ کار ءَ را مھکم کنگ ءُ مردم آنی نیام ءَ نزیکی آناں دیمروئی دیگ ءِ بابت ءَ زور پر دات۔ صدر شی ءَ گوشتگ کہ پزوریں سیویلائزیشن آنی وت مہ وتی نزیکی ءَ چہ دیمروئی پڑ ءِ مردم آنی یکجائی وژن انت۔ آئیءَ شنگھائی کمکی گل ءِ باسک آں گوں دمگی ایمنی ءِ رکھینگ ءُ یکجائی سلامتی ءَ را دل یکیمی جوڑ کنگ ءِ بابت ءَ زور دیان ءَ گوشتگ کہ چین میاں اوستمانی سلامتی ءِ گامگیج آناں پکوئیں رنگ دیگ ءِ واستہ توامیں پریک آنی گوما یکجائیءَ کار کنگ، کسد ءُ کینگ آنی گیواری ءِ واستہ گپ ءُ تران ءُ شور ءُ مشور کنگ، میاں اوستمانی ءُ دمگی جیڈھ آنی سیاسی گیواری ءَ را دیمروعئی دیگ ءِ واستہ ل تیار انت۔ دمگی سلامتی ءِ واستہ یکجائی رنگ ءَ یک شیلٹر ءِ جوڑ کنت۔ صدر شی ءَ اقتصادی برجائی ءَ را ترند کنگ ءِ واستہ پکوئیں کمک آناں دیم ءَ ودینگ ءِ ھوالگ ءَ زور پر دات ءُ گوشت کہ چین میاں اوستمانی دیمروئی گامگیج آناں برجا کنگ ءُ اقتصادی شاھیگاننی ءَ را راستیں کشک ءَ رھادگ کنگ ءِ واستہ توامیں پریک آنی گوما یکجائی کار کنگ ءَ تیار انت۔ آئی ءَ رکھینگ دوستی، یک نیمگی بندش ءُ راجی سلامتی ءَ را معاشی زوراکی ءِ یک کمکار ے ءِ رنگ ءَ کارمرز کنگ ءِ ھلاپ کنگ ءِ کوشست ءِ سر ءَ زور داتگ ءُ ڈیلوال مک کنگ، صنعتی ءُ سپلائی چینز آناں پروشگ یا ایشانی تہ ءَ اوشت مان کنگ ءِ کوشست آناں رد کتگ ءُ وت مہ وتی سیت آناں دیمروئی ءِ کوشست ءِ ضلورت ءِ بابت ءَ زور پردات۔ صدر شی ءَ گوشت کہ بیلٹ اینڈ روڈ انیشی ایٹو ءُ جتا جتائیں ملک آنی دیمروئی گامگیج آنی نیام ءَ وت مہ وتی آناں دیمروئی دیگ بہ بیت، تجارت ءُ سرمایہ کاری ءَ را آزات جوڑ کنان ءَ آسراتی آناں دیمروئی دیگ بہ بیت۔ دکہ آنی بنیاتی کوکا ءُ دمگی میاں اوستمانی اجسٹکس آناں ریڈور ءِ جوڑیشت ءَ را ترند کنگ بہ بیت ءُ دمگی صنعت آنی رچ ءُ سپلائی ءَ را برجا ءُ آسان کار ی ءَ را دل یکیمی جوڑ کنگ ءِ کوشست کنگ بہ بیت۔ پزوریں سیولائزیشن آنی وت مہ وتی یکوئی ءَ چہ پڑے ملک آنی الس ءِ وژن انت۔ صدر شی ءَ گوشت کہ چین میاں اوستمانی سیولائزیشن گامگیج آناں برجا کنگ، جتا جتائیں سیولائزیشن آنی رکھینگ گوں تپاکی ءَ دیمروئی دیگ ءُ الس ءِ نیام ءَ یکوئی آناں مھکم کنگ ءِ واستہ توامیں پریک آناں وش اتک کت۔ آئی ءَ گوشت کہ ایمن، دیمروئی ءُ باج برئی ءِ کمک ءِ دلگوش اوشتات نہ کنت ءُ ایس سی او ملک آنی نیمگ ءَ چہ سٹریٹجک رسانک ءُ کمک آناں مھکم جوڑ کنگ، کسد ءُ کینگ ءُ یک ءُ دگر ءُ ھلاپ بوھگ ءَ را ھلاس کنگ ءِ واستہ وت مہ وت سول ءُ تران ءُ کشاں چیل آں چہ رکھگ ءِ واستہ کمک آناں دیمروئی دیگ ءِ ضلورت انت۔ صدر شی ءَ یک ءِ دومی ءِ بنیاتی سیت آنی شرپ کنگ ءُ دیمروئی ءُ وشھالی ءِ واستہ مھکمیں کمک ءِ ضلورت ءِ بابت ءَ ھم زور دات۔
