کوئٹہ۔ 04 جولائی (اے پی پی):گورنر بلوچستان ملک عبدالولی خان کاکڑ ءَ گوں پاکستان ءَ تعینات اقوام متحدہ ءِ کنٹری نمائندگ برائے پاپولیشن پروگرام ڈاکٹر لوئے شبانے ءَ گندء ُنندکتگ۔ بلوچستان ءِ گورنر ءَ گشتگ کہ بلوچستان ءِ آباتی کم اِنت بلے بہربہر اِنت کہ آئی ءِ سوب ءَ بنکی آسراتی سر کنگ یک مزنیں چیلنج اِت۔ آئی ءَ گشتگ کہ اے گپ ء ِ سرءَ باز تکانسری اِنت کہ اے دیمروئی ءِ دورءَ بلوچستان ءَ چُکء ُ مات ءِ وہدءَ ماتانی بیرانی گیش اِنت۔ آئی ءَ گشتگ کہ نیزگاریں اُلس ءَ را وردن ء ُ وراک ءِ سربوہگءَ درستاں چہ مستریں اوشت نیزگاری اِنت ، ہمے ھاترءَ المی اِنت کہ درائیں سرکاری ء ُ میاں اوستمانی ادارگ دورء ُ دراجءِ ضلع آنی نیزگاریں اُلسءِ سرءَ دلگوشی بدے اَنت۔ آئی ءَ گشتگ کہ میاں اوستمانی ادارگ وتی منصوبگانی برورداں اُلسءَ سرکنگءِ ھاترءَ وتی سُرء ُ پُرآناں بلوچستان ءِ درائیں ضلع آں گیش بہ کن اَنت۔ گندء ُ نندءِ تہا گیش بوتگیں آباتی حاندانی منصوبہ بندی ، جوانیں وردن ء ُوراک ءِ سرکنگ ، ماتء ُ چُکءِ جانء ُ سلامتی، اوگان لڑء ُ باریانی رجسٹریشن، نوکیں ترز ءِ ہنر اھیل کنائینگ ء ُ جامع حکمت عملی دیما آرگ ءِ سرءَ ھیالء ُ لیکہ ءِ درشانی کنگ بوتگ۔
