اسلام آباد۔4جولائی (اے پی پی): مزن وزیر محمد شہباز شریف ءَ نانگا پربت ءَ گٹ بوتگیں کوہ زانت آصف بھٹی ءِ درگیجگ ءِ ھاترءَ زوت ریسکیو آپریشن کنگءِ پنت ءُ شون کتگ۔سئے شمبے ءِ روچءَ مزن وزیر کارگس ءِ میڈیا ونگ ءِ نیمگءَ چہ بیان ءِ ردءَ مزن وزیر محمد شہباز شریف ءَ کوہ زانت ءِ بچ واصف ءِ دزبندی ءِ نوٹس زُرتگء ُ چیف سیکرٹری گلگت بلتستان ءَ را پنتء ُ شون کتگ کہ آصف بھٹی ءَ را حفاظت ءِ گوما واتر آرگءِ ھاترءَ زوت گامگیج کنگ بہ بیت۔ مزن وزیر ءَ چیف سیکرٹری ءَ را کوہ زانت ءِ بچ واصف ءَ گوں نزیکی کنگ ء ُ آئی ءَ را دلبڈی دیئگ ہم پنتء ُ شون کتگ۔ زانگ بہ بیت کہ آصف بھٹی ءِ 7 ہزار 500 میٹر بُرز گٹ بوہگءِ حال اِنت۔ کوہ زانت ءِ بچ واصف ءَ سوشل میڈیا ءِ وسیلگءَ مزن وزیر محمد شہباز شریف ءَ گوں آئی ءِ کمک کنگءِ دزبندی کتگ۔
