اسلام آباد۔4جولائی (اے پی پی): بنجاھی وزیر کانود ءُ انصاف سینیٹر اعظم نذیر تارڑ ءَ گوں ترکیہ ءِ سفیر ڈاکٹر مہمت پاچا جی ءَ گوں گند ءُ نند کت۔ دوئیں پریک ءَ دوئیں ملک آنی نیام ءَ یکوئی آناں گیش مھکم جوڑ کنگ جزم ءِ درشان کت۔ سئے شمبے ءَ وزارت ءِ کانود ءُ انصاف ءَ چہ جاڑی بوتگیں بیان ءِ رد ءَ بنجاھی وزیر کانود ءَ گوشت کہ پاکستان ترکیہ ءِ گوما وتی یکوئی ءَ را شرپ ءِ نگاہ ءَ چار ائیت چیا کہ اے مئے دل آنی باز نزیک انت، ترکیہ پاکستان ءِ یکوئی ءُ الس ءَ چہ الس ءِ گوما رابطہ بے درور انت۔ بنجاھی وزیر کانود ءُ ترکیہ ءِ سفیر ءِ نیام ءَ میاں اوستمانی تک ءَ گران بھائی ءُ ایشی ءِ میاں اوستمانی معیشت ءِ سر ءَ رند پد آنی ھوالگ ءَ ھیال ریچی کنگ بوت۔ بنجاھی وزیر کانود ءَ گوشتگ کہ حکومت ءِ پاکستان اے وھد ءَ وتی ورنا آنی سر ءَ دلگوشی دیگ ءَ انت ، ورنا مئے ملک ءِ کانودی مڈی ءُ میراس انت ایشاناں ملک ءِ گہتری ءِ واستہ کارمرز کنگ بہ بیت۔ دوئیں پریک آں دوئیں ملک آنی نیام ءَ یکوئی آناں گیش مھکم جوڑ کنگ ءِ درشان کت۔
